________________
सुत्तागमे
[भगवई
५५०
वयसा कायसा ४०, एक्कविहं एगविहेणं पडिक्कममाणे न करेइ मणसा ४१, अहवा न करेइ वयसा ४२, अहवा न करेइ कायसा ४३, अहवा न कारवेइ मणसा ४४, अहवा न कारवेइ वयसा ४५, अहवा न कारवेइ कायसा ४६, अहवा करेंतं नाणुजाणइ मणसा ४७, अहवा करेंतं नाणुजाणइ वयसा ४८, अहवा करेंतं नाणुजाणइ कायसा ४९ । पडुप्पन्नं संवरेमाणे किं विविहं तिविहेणं संवरेइ ? एवं जहा पडिकममाणेणं एगूणपन्नं भंगा भणिया एवं संवरमाणेणवि एगणपन्नं भंगा भाणियव्वा । अणागयं पच्चक्खमाणे किं तिविहं तिविहेणं पञ्चक्खाइ ? एवं ते चेव भंगा एगूण. पण्णं भाणियन्वा जाव अहवा करेंतं नाणुजाणइ कायसा ॥ समणोवासगस्स णं भंते ! पुव्वामेव थूलए मुसावाए अपञ्चक्खाए भवइ से णं भंते ! पच्छा पञ्चाइक्खमाणे एवं जहा पाणाइवायस्स सीयालं भंगसयं भणियं तहा मुसावायस्सवि भाणियव्वं । एवं अदिन्नादाणस्सवि, एवं थूलगस्स मेहुणस्सवि थूलगस्स परिग्गहस्सवि जाव अहवा करेंतं नाणुजाणइ कायसा ॥ एए खलु एरिसगा समणोवासगा भवंति, नो खलु एरिसगा आजीवियोवासगा भवंति ॥ ३२८ ॥ आजीवियसमयस्स णं अयमढे पण्णत्ते अक्खीणपडिभोइणो सव्वे सत्ता से हंता छेत्ता भेत्ता लुपित्ता विलंपित्ता उहवइत्ता आहारमाहारेंति, तत्थ खलु इमे दुवालस आजीवियोवासगा भवंति, तंजहा-ताले, १ तालपलंबे, २ उविहे, ३ संविहे, ४ अवविहे, ५ उदए, ६ नामुदए, ७ णमुदए, ८ अणुवालए, ९ संखवालए, १० अयंपुले, ११ कायरिए, १२, इच्चेए दुवालस आजीवियोवासगाअरिहंतदेवयागा अम्मापिउसुस्सूसगा पंचफलपडिकंता तंजहा उंबरेहि, वडेहि, बोरेहि, सतरेहि, पिलंखूहि, पलंडुल्हस(सु)णकंदमूलविवजगा अणिलंछिएहिं अणकभिन्नेहिं गोणेहि तसपाणविवजिएहिं चि(वि)त्तेहिं वित्तिं कप्पेमाणा विहरंति एएवि ताव एवं इच्छंति, किमंग पुण जे इमे समणोवासगा भवंति जेसिं नो कप्पंति इमाइं पन्नरस कम्मादाणाइं सयं करेत्तए वा कारवेत्तए वा करेंतं वा अन्नं समणुजाणेत्तए तंजहा-इंगालकम्मे, वणकम्मे, साडीकम्मे, भाडीकम्मे, फोडीकम्मे, दंतवाणिज्जे, लक्खवाणिज्जे, केसवाणिजे, रसवाणिजे, विसवाणिज्जे, जंतपीलणकम्मे, निलंछणकम्मे, दवग्गिदावणया, सरदहतलायपरिसोसणया, असईपोसणया, इच्चेए समणोवासगा सुक्का सुक्काभिजाइया भविया भवित्ता कालमासे कालं किच्चा अन्नयरेसु देवलोएसु देवत्ताए उववत्तारो भवंति ॥ ३२९ ॥ कइविहा णं भंते ! [देवा] देवलोगा पण्णत्ता ? गोयमा ! चउन्विहा देवलोगा प०, तंजहाभवणवासिवाणमंतरजोइसवेमाणिया, सेवं भंते ! २ त्ति ॥ ३३० ॥अट्टमसयस्स पंचमो उद्देसो समत्तो॥
