________________
वि०
सुत्तागमे
+
सुयनाणपज्जवा प० ? एवं चेव एवं जाव केवलनाणस्स । एवं मइअन्नाणस्स सुयअन्नाणस, केवइया णं भंते ! विभंगनागपज्जवा प० ? गोयमा ! अणंता विभंगनाणपजवा प०, एएसि णं भंते! आभिणिवोहियनाणपज्जवाणं सुयनाण० ओहिनाण० मणपजवनाण० केवलनाणपज्जवाण य कयरे २ जाव विसेसाहिया वा ? गोयमा ! सव्वत्थोवा मणपज्जवनाणपज्जवा ओहिनाणपज्जवा अनंतगुणा सुयनाणपजवा अणतगुणा आभिणिवोहियनाणपज्जवा अनंतगुणा केवलणाणपजवा अनंतगुणा || एएसि णं भंते ! मइअन्नाणपजवाणं सुयअन्नाण० विभंगनाणपज्जवाण य कयरे २ जाव विसेसाहिया वा ? गोयमा ! सव्वत्योवा विभंगनाणपज्जवा सुयअन्नाणपज्जवा अनंतगुणा मइअन्नाणपज्जवा अनंतगुणा ॥ एएसि णं भंते! आभिणिवोहियगाणपजवाणं जाव केवलनाणप० मइअन्नाणप० सुयअन्नाणप० विभंगनाणप० कयरे २ जाव विसेसाहिया वा ? गोयमा ! सव्वत्थोवा मणपज्जवनाणपज्जवा विभंग - नाणपजवा अनंतगुणा ओहिणाणपज्जवा अणतगुणा सुयअन्नाणपजवा अनंतगुणा सुयनाणपज्जवा विसेसाहिया मइअन्नाणपजवा अनंतगुणा आभिणिवोहियनाणपज्जवा विसेसाहिया केवलणाणपज्जवा अनंतगुणा । सेवं भंते ! सेवं भंते । त्ति ॥ ३२२ ॥ अट्टमस्स सस्स विइओ उद्देसो समत्तो ॥
1
कइविहाणं भंते! रुक्खा पन्नत्ता ? गोयमा ! तिविहा रुक्खा प०, तंजहासंखेज्जजीविया असंखेज्जजीविया अनंतजीविया । से किं तं संखेज्जजीविया ? संखेज • अणेगविहा प०, तंजहा - ताले तमाले तक्कलि तेतलि जहा पन्नवणाए जाव नालि - एरी, जे यावन्ने तहप्पगारा, सेत्तं संखेज्जजीविया । से किं तं असंखेज्जजीविया ? असंखेज्जजीविया दुविहा प०, तंजहा - एगट्टिया य बहुबीयगा य । से किं तं एगहिया ? २ अणेगविहा प०, तंजहा - निवंबजंबू० एवं जहा पन्नवणापए जाव फला बहुबीयगा, सेत्तं बहुवीयगा, सेत्तं असंखेजजीविया । से कि तं अनंतजीविया ? अणंतजीविया अणेगविहा प०, तंजहा - आलुए मूलए सिंगबेरे, एवं जहा सत्तमसए जाव सीउन्हे सिउंढी मुसुंढी, जे यावन्ने त०, सेत्तं अगंतजीविया ॥ ३२३ ॥ अह भंते! कुम्मे कुम्माचलिया गोहे गोहावलिया गोणे गोणावलिया मणुस्से मणुस्सावलिया महिसे महिसावलिया एएसि णं दुहा वा तिहा वा संखेज्जहा वा छिन्नाणं जे अंतरा तेवि णं तेहिं जीवपएसेहिं फुडा ? हंता ! फुडा । पुरिसे णं भंते । (जं अंतरं) ते अंतरे हत्थेण वा पाएण वा अंगुलियाए वा सलागाए वा कट्टेण वा कलिंचेण वा आमुसमाणे वा संमुसमाणे वा आलिहमाणे वा विलिहमाणे वा अन्नयरेण वा तिक्खेणं सत्थजाएणं आच्छिदमाणे वा विच्छिदमाणे वा अगणिकाएणं वा समोड
० प० स० ० उ० ३]
-
५४७
