________________
वि० प० स० ६ उ० ४ ]
सुत्तागमे
जीवसिद्धेहिं तियभंगो मणुस्से (तु) छन्भंगा, सम्सद्दिट्ठीहिं जीवाइ (य) तियभंगो, विर्गलिंदिएसु छभंगा, मिच्छदिट्ठीहिं एगिदियवज्जो तियभंगो, सम्मा मिच्छदिट्ठीहिं छब्भंगा, संजएहि जीवाइओ तियभंगो, असंजएहिं एगिदियवज्जो तियभंगो, संजया संजएहिं तियभंगो जीवादिओ, नोसंजयनोअसंजयनोसंजयासंजयजीवसिद्धेहिं तियभंगो, सकसाईहिं जीवादिओ तियभंगो, एगिदिए अभंगयं, कोहकसाईहिं जीवएगिदियवज्जो तियभंगो, देवेहिं छब्भंगा, माणकसाई माया कसाई जीवेगिंदियवज्जो तियभंगो, नेरइयदेवेहिं छभंगा, लोभकसाईहिं जीवेगिंदियवज्जो तियभंगो, नेरइएसु छन्भंगा, अक्साईजी - वमणुएहिं सिद्धेहिं तियभंगो, ओहियनाणे आभिणिवोहियनाणे सुयनाणे जीवादिओ तियभंगो, विगलिदिएहिं छन्भंगा, ओहिनाणे मण० केवलनाणे जीवादिओ तियभंगो, ओहिए अन्नाणे मइअण्णाणे सुयअण्णाणे एगिंदियवज्जो तियभंगो, विभंगनाणे जीवादिओ तियभंगो, सजोगी जहा ओहिओ, मणजोगी वयजोगी कायजोगी जीवादिओ तियभंगो नवरं कायजोगी एगिंदिया तेसु अभंगयं, अजोगी जहा अलेसा, सागारोवउत्ते अणागारोवउत्ते जीवएगिंदियवज्जो तियभंगो, सवेयगा य जहा सकसाई, इत्थवेयगपुरिसवेयगनपुंसगवेयगेसु जीवादिओ तियभंगो, नवरं नपुंसगवेदे एगिदिएस अभंगयं, अवेयगा जहा अकसाई, ससरीरी जहा ओहिओ, ओरालियवेउव्वियसरीराणं जीवएगिंदियवज्जो तियभंगो, आहारगसरीरे जीवमणुएसु छन्भंगा, तेयगकम्मगाणं जहा ओहिया, असरीरेहिं जीवसिद्धेहिं तियभंगो, आहारपजत्तीए सरीरपज्जत्तीए इंदियपज्जत्तीए आणापाणुपज्जत्तीए जीवएगिंदियवज्जो तियभंगो, भासा - मणपजत्तीए जहा सण्णी, आहारअपजत्तीए जहा अणाहारगा, सरीरअपजत्तीए इंदिय अपज्जत्ती आणापाणअपजत्तीए जीवेगिंदियवज्जो तियभंगो, नेरइयदेवमणुए हिं छव्भंगा, भासामणअपज्जत्तीए जीवादिओ तियभंगो, णेरइयदेवमणुएहिं छन्संगा ॥ गाहा-सपदेसा आहारगभवियसन्निलेस्सा दिट्ठी संजयकसाए । णाणे जोगुवओगे वेढे य सरीरपजत्ती ॥ १ ॥ २३८ ॥ जीवा णं भंते! कि पञ्चक्खाणी अपचक्खाणी पञ्चक्खाणापच्चक्खाणी ?, गोयमा ! जीवा पचक्खाणीवि अपच्चक्खाणीवि पच्चक्खाणापच्चक्खाणीवि । सव्वजीवाणं एवं पुच्छा, गोयमा ! नेरइया अपच्चक्खाणी जाव चउरिंदिया, सेसा दो डिसेहेयव्वा, पंचेंदियतिरिक्खजोणिया नो पञ्चक्खाणी अपच्चक्खाणीवि पच्चक्खाणापच्चक्खाणीवि, मणुस्सा तिन्निवि, सेसा जहा नेरइया ॥ जीवाणं भंते! कि पच्चक्खाणं जाणंति अपचक्खाणं जाणंति पच्चक्खाणापच्चक्खाणं जाति ?, गोयमा ! जे पंचेंदिया ते तिन्निवि जाणंति अवसेसा पच्चक्खाणं न जाणंति ३ ॥ जीवाणं भंते ! कि पञ्चक्खाणं कुव्वंति अपच्चक्खाणं कुव्वंति पच्चक्खाणापच्चक्खाणं ३२ सुत्ता०
४९७
