________________
सुत्तागमे
[ भगवई वाडीओ नेयव्वाओ, सेसा नत्थि । सक्कस्स णं देविदस्स देवरन्नो सोमस्स महारन्नो इमे देवा आणाउववायवयणनिद्देसे चिट्ठति, तंजहा-सोमकाइयाइ वा सोमदेवकाइयाइ वा विजुकुमारा विज्जुकुमारीओ अग्गिकुमारा अग्गिकुमारीओ वाउकुमारा वाउकुमारीओ चंदा सूरा गहा णक्खत्ता तारारूवा जे यावन्ने तहप्पगारा सव्वे ते तब्भत्तिया तप्पक्खिया तब्भारिया सकस्से देविंदस्स देवरन्नो सोमस्स महारन्नो आणाउववायवयणनि से चिट्ठति । जंबुद्दीवे २ मंदरस्स पव्वयस्स दाहिणेणं जाई इमाइं समुप्पजंति, तं जहा-गहदंडाइ वा गहमुसलाइ वा गहगजियाइ वा, एवं गहजुद्धाइ वा गहसिघाडगाइ वा गहावसव्वाइ वा अन्भाइ वा अव्भरुक्खाइ वा संझाइ वा गंधव्वनगराइ वा उक्कापायाइ वा दिसीदाहाइ वा गजियाइ वा विज्जुयाइ वा पंसुवुट्ठीइ वा जूवेत्ति वा जक्खालित्तयत्ति वा धूमियाइ वा महियाइ वा रउग्घायाइ वा चंदोवरागाइ वा सूरोवरागाइ वा चंदपरिवेसाइ वा सूरपरिवेसाइ वा पडिचंदाइ वा पडिसूराइ वा इंदधणूइ वा उदगमच्छकपिहसियअमोहापाईणवायाइ वा पडीणवीताइ वा जाव संवट्टयवाताइ वा गामदाहाइ वा जाव सन्निवे सदाहाइ वा पाणक्खया जणक्खया धणक्खया कुलक्खया वसणब्भूया अणारिया जे यावन्ने तहप्पगारा ण ते सकस्स देविदस्स देवरन्नो सोमस्स महारन्नो अण्णाया अदिट्ठा असुया अमुया अविण्णाया तेसि वा सोमकाइयाणं देवाणं, सक्कस्स णं देविदस्स देवरन्नो सोमस्स महारन्नो इमे अहावच्चा देवा अभिन्नाया होत्या, तं जहाइंगालए वियालए लोहियक्खे सणिचरे चंदे सूरे सुक्ने बुहे वहस्सती राहू ॥ सक्कस्स णं देविदस्स देवरन्नो सोमस्स महारन्नो सत्तिभागं पलिओवमं ठिती पण्णत्ता, अहावचाभिन्नायाणं देवाणं एगं पलिओवमं ठिई पण्णत्ता, एवंमहिड्डिए जाव महाणुभागे सोमे महाराया ॥ १६३ ॥ कहिणं भंते । सक्कस्स देविदस्स देवरन्नो जमस्स महारन्नो वरसिढे णामं महाविमाणे पग्णत्ते ?, गोयमा ! सोहम्मवडिसयस्स महाविमाणस्स दाहिणेणं सोहम्मे कप्पे असंखेजाइं जोयणसहस्साइं वीइवइत्ता एत्थ गं सकस्स देविंदस्स देवरन्नो जमस्स महारन्नो वरसिढे णामं महाविमाणे पण्णत्ते अद्धतेरस जोयणसयसहस्साइं जहा सोमस्स विमाणे तहा जावं अभिसेओ रायहाणी तहेव जाव पासायपंतीओ ॥ सकस्स णं देविदस्स देवरन्नो जमस्स महारन्नो इमे देवा आणा० जाव चिट्ठति, तं जहा-जमकाइयाइ वा जमदेवकाइयाइ वा पेयकाइयाइ वा पेयदेवकाइबाइ वा असुरकुमारा असुरकुमारीओ कंदप्पा निरयवाला आभिओगा जे यावन्ने तहप्पगारा सव्वे ते तब्भत्तिगा तप्पक्खिया तब्भारिया सकस्स देविंदस्स देवरन्नो जमस्स महारन्नो आणाए जाव चिट्ठति ॥ जंवुद्दीवे २ मंदरस्स
