________________
वि०प० स०३ उ०३]
सुत्तागमे
४५७
से - जीवे सया समितं जाव अंते अंतकिरिया न भवति ?, मंडियपुत्ता ! जावं च णं से जीवे सया समितं जाव परिणमति तावं च णं से जीवे आरंभइ सारंभइ समारंभइ आरंभे वट्टई सारंभे वइ. समारंभे वट्टइ आरंभमाणे सारंभमाणे समारंभमाणे आरंभे वट्टमाणे सारंभे वट्टमाणे समारंभे वट्टमाणे वहणं पाणाणं भूयाणं जीवाणं सत्ताणं दुक्खावणयाए सोयावणयाए जूरावणयाए तिप्पावणयाए पिट्टावणयाए परियांवणयाए वट्टइ, से तेणटेणं मंडियपुत्ता ! एवं वुच्चइ-जावं च णं से जीवे सया समियं एयति जाव परिणमति तावं च णं तस्स जीवस्स अंते अंतकिरिया न भवइ ॥ जीवे ण मंते ! सया समियं णो एयइ जाव नो तं तं भावं परिणमइ ?, हंता मंडियपुत्ता ! जीवे णं सया समियं जाव नो परिणमति । जावं च ण भंते ! से जीवे नो एयति जाव नो तं तं भावं परिणमति. तावं च णं तस्स जीवस्स अंते अंतकिरिया भवइ ? हंता! जाव भवति । से केणढेणाभते । जाव भवति ?, मंडियपुत्ता ! जावं च णं से जीवे सया समियं णो एयति जाव णो परिणमइ तावं च णं से जीवे नो आरंभइ नो सारंभइ नो समारंभइ नो, आरंभे वट्टइ जो सारंभे वट्टइ णो समारंभे वट्टइ. अणारंभमाणे असारंभमाणे असमारंभमाणे आरंभे अवमाणे सारंभे अवट्टमाणे समारंभे, अवट्टमाणे वहणं पाणाणं ४ अदुक्खावणयाएं जाव अपरियावणयाए वट्टइ । से जहानामए केइ पुरिसे सुन तणहत्थयं जायतेयंसि पक्खिवेजा, से नूणं मंडियपुत्ता.! से सुक्के तणहत्थए जायतेयंसि पक्खित्ते समाणे खिप्पामेव मसमसाविज्जइ? हंता! मसमसाविनइ, से जहानामए-केइ पुरिसे तत्तंसि अयकवलंसि उदयविंदू पक्खिवेज्जा; से नूणं मंडियपुत्ता! से उदयविंदू तत्तसि अयकवल्लंसि पक्खित्ते समाणे खिप्पामेव विद्धंसमागच्छइ ?, हंता! विद्धंसमागच्छइ, से जहानामए हरए सिया पुण्णे पुण्णप्पमाणे वोलट्टमाणे वोसट्टमाणे समभरंघडत्ताए चिट्ठति ?, हंता! चिट्ठति, अहे णं केइ पुरिसे तंसि हरयसि एगं महं णावं सतासवं सयच्छिदं ओगाहेजा से नूणं मंडियपुत्ता ! सा नावा तेहि आसवदारेहिं-आपूरेमाणी २ पुण्णा पुण्णप्पमाणा वोलट्टमाणा वोसट्टमाणा समभरघडत्ताए चिट्ठति ? हंता । चिट्ठति, अहे णं केइ पुरिसे तीसे नावाए सव्वतो समंता आसवदाराई पिहेइ २ नावाउसिंचणएणं उदयं उस्सिचिजा से नूणं मंडियपुत्ता ! सा नावा तंसि उदयसि उस्सिचिजसि-समाणसि खिप्पामेव उर्दू उदाइ ?; हंता! उदाइज्वा, एवामेव मंडियपुत्ता ! अत्तत्तासंवुडस्स अणगारस्स इरियासमियस्स जाव गुत्तवंभयारिस्स आउत्तं गच्छमाणस्स चिट्ठमाणस्स निसीयमाणस्स तुयट्टमाणस्स आउत्तं वत्थपडिग्गहकंवलपायपुंछणं गेण्हमाणस्स णिक्खिवमाणस्स जाव चक्खुपम्हनिवाय
