________________
वि० ५० स० ३ उ० ] . सुत्तागमे
१३७ सामाणिया देवा केमहिड्डिया जाव केवतियं च णं पभू विकुवित्तए ?, गोयमा ! चमरस्स असुरिदस्स असुररन्नो सामाणिया देवा महिड्डिया जाव महाणुभागा, ते णं तत्थ साणं २ भवणाणं साणं २' सामाणियाणं साणं २ 'अग्गमहिसीणं जाव दिव्वाइं भोगभोगाई भुंजाणा विहरंति, एवंमहिड्डिया 'जाव एवइयं च ण पभू विकुवित्तए, से जहानामए-जुवतिं जुवाणे हत्थेणे हत्थे गेण्हेजा चक्कस्स वो नाभी अरयाउत्ता सिया एवामेव गोयमा ! चमरस्स असुरिंदस्स असुररन्नो एगमेगे सामाणिए देवे वेउब्वियसमुग्घाएणं समोहणइ २ जाव दोच्चंपि वेउब्वियसमुग्धाएणं समोहणति २ पभू णं गोयमा । चमरस्स असुरिंदस्स असुररन्नो एगमेगे सामाणिए देवे केवलकप्पं जंबुद्दीवं २ बहुहिं असुरकुमारेहिं देवेहिं देवीहि य आइन्न वितिक्रिन्न उवत्थडं संथडं फुडं अवगाढावगाढं करेत्तए, अदुत्तरं च णं गोयमा ! पभू चमरस्स असुरिंदस्स असुररन्नो एगमेगे सामाणियदेवे तिरियमसंखेजे दीवसमुद्दे वहहिं असुरकुमारेहिं देवेहिं देवीहि य आइण्णे वितिकिण्णे उवत्थडे संयडे फुडे अवगाढावगाढे करेत्तए, एस णं गोयमा ! चमरस्स असुरिंदस्स असुररन्नो एगमेगस्स सामाणिय. देवस्स अयमेयासवे विसए विसयमेत्ते वुइए णो चेव णं संपत्तीए विकुब्बिसु वा विकुव्वति वा विकुन्विस्सति वा । जति णं भंते ! चमरस्स असुरिंदस्स असुररन्नो सामाणिया देवा एवंमहिड्डिया जाव एवतियं च णं पभू विकुन्वित्तए चमरस्स णं भंते ! असुरिदस्स असुररन्नो तायत्तीसिया देवा केमहिड्डिया , तायत्तीसिया देवा जहा सामाणिया तहा नेयव्वा, लोयपाला तहेव, नवरं सखेजा दीवसमुदा भाणियव्वा, वहूहिं असुरकुमारेहिं २ आइन्ने जाव विउव्विस्संति वा । जति णं भंते ! चमरस्स असुरिंदस्स असुररन्नो लोगपाला देवा एवंमहिड्डियां जाव एवतियं च णं पभू विउवित्तए चमरस्स णं भंते। असुरिंदस्स असुररन्नो अग्गमहिसीओ देवीओ केमहिड्डियाओ जाव केवंतियं च णं पभू विकुवित्तए १, गोयमा । चमरस्स णं असुरिंदस्स असुररन्नो अग्गमहिसीओ महिड्डियाओ जाव महाणुभागाओ, ताओ णं तत्य साणं २ भवणाणं साणं २ सामाणियसाहस्सीणं साणं २ महत्तरियाणं साणं २ परिसाणं जाव- एमहिड्डियाओ अन्नं जहा लोगपालाणं अपरिसेसं । सेवं भंते ! २ त्ति ॥ १२६ ॥ भगवं दोचे गोयमे समणं अगवं महावीरं वंदइ नमसइ २ जेणेव तच्चे गोयमे वायुभूतिअणगारे तेणेव उवागच्छति २ तचं गोयमं वायुभूति अणगारं एवं वदासी-एवं खलु गोयमा! चमरे असुरिंदे असुरराया एवंम हिड्डिए तं चेव एवं सव्वं अपुट्ठवागरणं नेयव्वं अपरिसेसियं जाव अग्गमहिसीणं वत्तव्वया समत्ता। तए णं से तच्चे गोयमे वायुभूती अणगारे दोच्चस्स गोयमस्स अग्गिभूइस्स अणगा
