________________
वि०प० स० २ उ० ५] सुत्तागमे एवं खलु देवा तुंगियाए नगरीए वहिया पुप्फेवईए उजाणे पासावञ्चिजा थेरा भगवंतो समणोवासएहिं इमाइं एयारूवाइं वागरणाई पुच्छिया-संजमे णं भंते ! किंफले ? तवे किफले ? तं चेव जाव सच्चे णं एसमढे णो चेव णं आयभाववत्तव्वयाए, तं पभू णं भंते ! ते थेरा भगवंतो तेसिं समणोवासयाणं इमाइं एयारूवाइं वागरणाई चागरिनए उदाहु अप्पभू?, समिया णं भंते । ते थेरा भगवंतो तेसिं समणोवासयागं इमाइं एयारुवाई वागरणाइं वागरित्तए उदाहु असमिया ? आउजिया णं भंते ! ते थेरा भगवंतो तेसिं समणोवासयाणं इमाइं एयारवाई वागरणाइं वागरित्तए ? उदाहु अणाउजिया ? पलिउजिया णं भंते ! ते थेरा भगवंतो तेसिं समणोवासयाणं इमाई एयाख्वाइं वागरणाई वागरित्तए उदाहु अपलिउजिया ?, पुव्वतवेणं अज्जो !' देवा देवलोएसु उववनंति पुव्वसंजमेणं कम्मियाए संगियाए अजो ! देवा देवलोएलु उववज्जति, सच्चे णं एसमढे णो चेव णं आयभाववत्तव्वयाए, पभू णं गोयमा ! ते थेरा भगवंतो तेसिं समणोवासयाणं इमाई एयाख्वाइं वागरणाइं वागरेत्तए, णो चेव णं अप्पभू , तह चेव नेयव्वं अवसेसियं जाव पभू समियं आउजिया पलिउजिया जाव सच्चे णं एसमढे णो चेव णं आयभाववत्तव्वयाए, अहंपिणं गोयमा ! एवमाइक्खामि भासेमि पण्णवेमि परूवेमि पुव्वतवेणं देवा देवलोएसु उववजंति पुव्वसंजमेण देवा देवलोएतु उववनंति कम्मियाए देवा देवलोएसु उववजंति संगियाए देवा देवलोएसु उववज्जति, पुवतवेणं पुव्वसंजमेणं कम्मियाए संगियाए अजो! देवा देवलोएसु उववजंति, सच्चे णं एसमढे णो चेव णं आयभाववत्तव्वयाए ॥११०॥ तहास्वं भंते! समणं वा माहणं वा पजुवासमाणस्स किफला पजुवासणा ?, गोयमा। सवणफला, से णं भंते! सवणे किफले ?, णाणफले, से णं भंते ! नाणे किफले ?, विण्णाणफले, से णं भंते ! विन्नाणे किफले १, पञ्चक्खाणफले, से णं भंते ! पञ्चक्खाणे किफले ?, संजमफले, से णं भंते ! संजमे किफले ?, अणण्हयफले, एवं अणण्हए तवफले, तवे वोदाणफले, वोदाणे अकिरियाफले, से णं भंते ! अकिरिया कि फला ?, सिद्धिपज्जवसाणफला पण्णत्ता गोयमा), गाहा-सवणे णाणे य विण्णाणे पच्चक्खाणे य संजमे । अगण्हए तवे चेव वोदाणे अकिरिया सिद्धी ॥१॥ १११॥ अण्णउत्यिया णं भंते ! एवमातिक्खंति भासंति पण्णवेंति परवेति-एवं खलु रायगिहस्स नगरस्स बहिया वेभारस्स पव्वयस्स अहे एत्थ णं महं एगे हरए अघे पन्नत्ते अणेगाई जोयणाई आयामविक्खमेणं नाणादुमसंडमंडितउद्देसे सस्सिरीए जाव पडिलवे, तत्थ ण वहवे ओराला बलाहया संसेयंति सम्मुच्छिति वासंति तव्वतिरित्ते य ण सया समिओ उसिणे २ आउकाए अभिनिस्सवइ । से कहमेयं
