________________
। भगवई
सुत्तागमे जाव मणुस्साउयं वा ॥६०॥ जीवे णं भंते गभं वक्कममाणे किं सइंदिए वक्कमइ अणिदिए वक्कमइ?, गोयमा ! सिय सइंदिए वक्कमइ सिय आणदिए वक्कमइ, से केणटेणं ?, गोयमा ! दविदियाइं पडुच्च अणिदिए वक्कमइ भाविंदियाइं पडुच्च सइंदिए वकमइ, से तेणटेणं० । जीवे णं भंते ! गन्भं वक्कममाणे किं ससरीरी वकमइ असरीरी वक्कमइ ?, गोयमा! सिय ससरीरी व० सिय असरीरी वक्कमइ, से केणटेणं ?, गोयमा! ओरालियवेउव्वियआहारयाइं पडुच्च असरीरी व० तेयाकम्मा०प० सस० वक्क० से तेणटेणं गोयमा!० । जीवे णं भंते ! गम्भं वकममाणे तप्पढमयाए किमाहारमाहारेइ ?, गोयमा ! माउओयं पिउसुक्नं तं तदुभयसंसिर्ल्ड कलुसं किविसं तप्पढमयाए आहारमाहारेइ । जीवे णं भंते ! गब्भगए समाणे किमाहारमाहारेइ ?, गोयमा ! जं से माया नाणाविहाओ रसविगईओ आहारमाहारेइ तदेकदेसेणं ओयमाहारेइ । जीवस्स णं भंते ! गब्भगयस्स समाणस्स अस्थि उच्चारेइ वा पासवणेइ वा खेलेइ वा सिंघाणेइ वा वंतेइ वा पित्तेइ वा ?, णो इणढे समढे, से केणटेणं ?, गोयमा! जीवे णं गब्भगए समाणे जमाहारेइ तं चिणाइ तं सोइंदियत्ताए जाव फासिदियत्ताए अद्विअद्विमिंजकेसमंसुरोमनहत्ताए, से तेणढेणं० । जीवे णं भंते ! गब्भगए समाणे पभू मुहेणं कावलियं आहारं आहारित्तए ?, गोयमा! णो इणद्वे समढे, से केणटेणं ?, गोयमा ! जीवे णं गभगए समाणे सव्वओ आहारेइ सव्वओ परिणामेइ सव्वओ उस्ससइ सव्वओ निस्ससइ अभिक्खणं आहारेइ अभिक्खणं परिणामेइ अभिक्खणं उस्ससइ अभिक्खणं निस्ससइ आहच आहारेइ आहच्च परिणामेइ आहच उस्ससइ आहच्च नीससइ ॥ माउजीवरसहरणी पुत्तजीवरसहरणी माउजीवपडिबद्धा पुत्तजीवं फुडा तम्हा आहारेइ तम्हा परिणामेइ, अवरावि य गं पुत्तजीवपडिबद्धा माउजीवफुडा तम्हा चिणाइ तम्हा उवचिणाइ से तेणटेणं० जाव नो पभू मुहेणं कावलियं आहारं आहारित्तए ॥ कइ णं भंते ! माइअंगा प० ?, गोयमा ! तओ माइयंगा प०, तंजहा-मंसे सोणिए मत्थुलुंगे । कइ णं भंते ! पिइयंगा प०?, गोयमा! तओ पिइयंगा प०, तंजहा-अट्ठि अद्विमिंजा केसमंसुरोमनहे। अम्मापिइए णं भंते ! सरीरए केवइयं कालं संचिठ्ठइ ?, गोयमा ! जावइयं से कालं भवधारणिजे सरीरए अव्वावन्ने भवइ एवतियं कालं संचिठ्ठइ, अहे णं समए समए वोकसिज्जमाणे २ चरमकालसमयंसि वोच्छिन्ने भवइ ।। ६१ ॥ जीवे णं भंते.! गभगए समाणे नेरइएसु उववज्जेज्जा ?, गोयमा! अत्यंगइए उववजेज्जा अत्थेगइए नो उववज्जेजा, से केपटेणं ?, गोयमा ! से णं सन्नी पंचिदिए सव्वाहिं पजत्तीहिं पज्जत्तए वीरियलद्धीए वेउब्वियलद्धीए पराणीएणं आगयं सोचा निसम्म पएसे
