________________
वि० प० स० १ उ० ४ ]
सुत्तागमे
३९७
एवं जाव चउरिंदियाणं पंचिदियतिरिक्खजोणिया जाव वैमाणिया जहा ओहिया जीवा ॥ ३६ ॥ अस्थि णं भंते ! समणावि निग्गंथा कंखामोहणिजं कम्मं वेएन्ति ?, हंता अस्थि, कहां भंते! समणा निग्गंथा कंखामोहणिज्जं कम्मं वेएन्ति ?, गोयमा तेहि २ नाणंतरेहिं दंसणंतरेहिं चरितंतरेहिं लिंगंतरेहिं पवयणंतरेहिं पावयणंतरेहिं कप्पंतरेहिं मग्गंतरेहिं मतंतरेहिं भंगंतरेहिं णयंतरेहिं नियमंतरेहि पमाणंतरेहिं संकिया कंखिया वितिगिच्छिया भेयसमावन्ना क्लुससमावन्ना, एवं खलु समणा निग्गंथा कंखामोहणिज्जं कम्मं बेइंति, से नूणं भंते! तमेव सच्च नीसंकं जं जिणेहिं पवेइयं, हंता गोयमा ! तमेव सच्चं नीसंकं, जाव पुरिसक्कारपरक्कमेइ वा सेवं भंते ! सेवं भंते ! ॥ ३७ ॥ पढमसर ततिओ उद्देसन समत्तो ॥
कति णं भंते ! क्रम्म पगडीओ पण्णत्ताओ ? गोयमा ! अट्ट कम्मप्पगडीओ पण्णत्ताओ, कम्मप्पगडीए पढमो उद्देसो नेयव्वो जाव अणुभागो सम्मत्तो । गाहा - कइ पडी कह इ कहि व ठाणेहि वंधई पयडी । कइ वेदेइ य पयडी अणुभागो कइविहो कस्स ? ॥ १ ॥ ३८ ॥ जीवे णं भंते ! मोहणिजेणं कडेणं कम्मेणं उदिन्नणं उवट्टाएजा ? हंता उवढाएजा । से भंते! किं वीरियत्ताए उवट्ठाएजा अवीरियत्ताए उवट्टाएजा ? गोयमा ! वीरियत्ताए उवट्टाएजा नो अवीरियत्ताए उवट्ठाएजा, जइ वीरित्ताए वहाएजा किं बालवीरियत्ताए उवट्टाएजा पंडियवीरियत्ताए उवट्ठाएजा वालपंडियवीरित्ताए उखट्ठाएजा ?, गोयमा ! वालवीरियत्ताए उवट्ठाएजा णो पंडि
वीरित्ताए उवट्टाएजा णो वालपंडियवीरियत्ताए उवट्टाएजा । जीवे णं भंते ! मोहणिजे कडेणं कम्मेणं उदिनेणं अवकमेजा ? हंता अवकमेजा, से भंते! जाव बालपंडियवीरियत्ताए अवक्कमेज्जा ३१, गोयमा ! बालवीरियत्ताए अवकमेजा नो पंडिवीरित्ताए अवकमेजा, सिय बालपंडियवीरियत्ताए अवक्कमेजा । जहा उदिनेणं दो आलावगा तहा उवसंतेणवि दो आलावगा भाणियव्वा, नवरं उवट्ठाएजा पंडियवीरियत्ताए अवक्कमेज्जा वालपंडियवीरियत्ताए ॥ से भंते । किं आयाए अवक्कमइ ? अणायाए अवक्कमइ ? गोयमा ! आयाए अवक्कमइ णो अणायाए अवक्कमइ, मोहणिजं कम्मं चेएमाणे से कहमेयं भंते ! एवं ? गोयमा ! पुव्वि से एवं एवं रोयइ इयाणिं से एवं एवं नो रोयइ एवं खलु एवं ॥३९॥ से नूणं भंते ! नेरइयस्स वा तिरिक्खजोणियस्स वा मणूसस्स वा देवस्सं वा जे कडे पावे कम्मे नत्थि तस्स अवेइत्ता मोक्खो ?, हंता गोयमा ! नेरइयस्स वा तिरिक्ख० मणु० देवस्स वा जे कडे पावे कम्मे नत्थि तस्स अवेइत्ता मोक्खो । से केणट्टेणं भंते ! एवं वुञ्चति - नेरइयस्स वा जाव मोक्खो, एवं खलु मए गोयमा ! दुविहे कम्मे पण्णत्ते, तंजहा - पएसकम्मे य अणुभागकम्मे य,
1
