________________
सुत्तागमे
[भगवई सव्वे समकिरिया ?, गोयमा ! नो इणढे समझे, से केणटेणं ?, गोयमा ! नेरइया तिविहा प०, तंजहा-सम्मदिट्ठी मिच्छादिट्ठी सम्मामिच्छदिट्ठी, तत्य णं जे ते सम्मेदिट्ठी तेसि णं चत्तारि किरियाओ पण्णत्ताओ, तंजहा--आरंभिया १ परि० २ माया० ३ अप्पच्च० ४, तत्थ णं जे ते मिच्छादिट्ठी तेसि णं पंच किरियाओ कन्जंति-आरंभिया जाव मिच्छादसणवत्तिया, एवं सम्मामिच्छादिट्टीणंपि, से तेणटेणं गोयमा!० ॥ नेरइया णं भंते । सव्वे समाउया सव्वे समोववन्नगा ?, गोयमा! नो इणढे समढे, से केणटेणं ?, गोयमा । नेरइया चउव्विहा प०, तंजहा-अत्येगइया समाउया समोववन्नंगा १ अत्थेगइया समाउया विसमोववन्नगा २ अत्थेगइया विसमाउंया समोववन्नगा ३ अत्थेगइया विसमाउया विसमोववन्नगा ४ से तेणटेणं गोंयमा !० ॥ असुरकुमारा णं भंते । सव्वे समाहारा सव्वे समसरीरा, जहा नेरइया तहा भाणियव्वा, नवरं कम्मवन्नलेस्साओ परिवण्णेयवाओ, पुव्वोववन्नगा महाकम्मतरागा अविसुद्धवन्नतरागा अविसुद्धलेसतरागा, पच्छोववन्नगा पसत्था, सेसं तहेव, एवं जाव थणियकुमाराणं । पुढविक्काइयाणं आहारकम्मवन्नलेस्सा जहा नेरइयाणं ॥ पुढविकाइया णं भंते । सव्वे समवेयणा ?, हंता समवेयणा, से केणटेणं भंते । समवेयणा?, गोयमा ! पुढविकाइया सव्वे असन्नी असन्निभूया अणिदाए वेयणं वेदेति से तेणटेणं ॥ पुढविक्काइया णं भंते! सव्वे समकिरिया ? हंता समकिरिया, से केणढेणं ?, गोयमा! पुढविकाइया सव्वे माई मिच्छादिट्ठी ताणं णिययाओ पंच किरियाओ कन्जंति, तंजहा-आरंभिया जाव मिच्छादसणवत्तिया, से तेण?णं समाउया समोववन्नगा, जहा नेरइया तहा भाणियव्वा, जहा पुढविकाइया तहा जाव चउरिदिया । पंचिंदियतिरिक्खजोणिया जहा नेरइया नाणत किरियासु, पंचिंदियतिरिक्खजोणिया णं भंते ! सव्वे समकिरिया ?, गो०, णो ति०, से केणटेणं ? गो० पंचिंदियतिरिक्खजोणिया तिविहा प०, तंजहा-सम्मदिट्ठी मिच्छादिट्ठी सम्मामिच्छादिट्ठी, तत्थ णं जे ते सम्मट्टिी ते दुविहा प०, तंजहा-अस्संजया य संजयासंजया य, तत्थ णं जे ते संजयासंजया तेसिणं तिन्नि किरियाओ कजंति, तंजहा-आरंभिया परिग्गहिया मायावत्तिया, असंजयाणं चत्तारि, मिच्छादिट्ठीणं पंच, सम्मामिच्छादिट्ठीणं पंच, मणुस्सा जहा नेरइया नाणत्तं जे महासरीरा ते बहुतराए पोग्गले आहारेंति आहच आहारैति जे अप्पसरीरा ते अप्पतराए आहारेंति अभिक्खणं आहारेंति सेसं जहा नेरइयाणं जान. वेयणा । मणुस्सा णं भंते ! सव्वे समकिरिया ?, गोयमा ! णो तिणढे समठे, से केणद्वेणं ?, गोयमा। मणुस्सा तिविहा प०, तंजहा-सम्मदिट्ठी मिच्छादिठ्ठी सम्मामिच्छादिछी, तत्थ णं
