Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 424

सुत्तागमे
[ समवाए
रयणप्पभाए पुढवीए असीउत्तरजोयणसयसहस्सवाहलाए उवरि एगं जोयणसहस्सं ओगाहेत्ता हेट्ठा चेगं जोयणसहस्सं वज्जेत्ता मज्झे अट्ठसत्तरि जोयणसयसहस्से एत्थ गं रयणप्पभाए पुढवीए णेरइयाणं तीसं णिरयावाससयसहस्सा भवतीति मक्खाया । ते णं णिरयावासा अंतो वट्टा वाहिं चउरंसा जाच असुभा णिरया असुभाओ णिरएस वेयणाओ एवं सत्त वि भाणियव्वाओ जं जासु जुज्जइ-आसीयं वत्तीसं अट्ठावीसं तहेच वीसं च । अट्ठारस सोलसगं अट्टुत्तरमेव वाहलं ॥ १ ॥ तीसा य पण्णवीसा पन्नरस दसेव सयसहस्साईं । तिण्णेगं पंचूणं पंचेव अणुत्तरा नरगा ॥२॥ चउसकी असुराणं चउरासीइं च होइ नागाणं । वावत्तरि सुवन्नाण वाउकुमाराण छण्णउइ ॥ ३ ॥ दीवदिसा उदहीणं विज्जुकुमारिदथणियमग्गीणं । छण्हं पि जुवलयाणं वावत्तरिमो य सय सहसा (स्सा ) ॥ ४ ॥ वत्तीसट्टावीसा वारस अड चउरो य सयसहस्सा । पण्णा चत्तालीसा छच्च सहस्सा सहस्सारे ॥ ५ ॥ आणयपाणयकप्पे चत्तारि सयाssरणच्चुए तिनि । सत्त विमाणसयाई चउसु वि एएसु कप्पे ॥ ६ ॥ एकारसुत्तरं द्विमे सत्तुत्तरं च मज्झिमए । सयमेगं उवरिमए पंचेव अणुत्तरविमाणा ॥ ७ ॥ दोचाए णं पुढवीए तच्चाए णं पुढवीए चउत्थीए पुढवीए पंचमी पुढवीए छट्ठीए पुढवीए सत्तमीए पुढवीए गाहाहि भाणियव्वा । सत्तमाए पुढवीए पुच्छा, गोयमा ! सत्तमा पुढवीए अनुत्तरजोयणसयसहस्साईं बाहल्लाए उवरि अद्धतेवन्नं जोयणसहस्साइं ओगाहेत्ता हेट्ठा वि अद्धतेवन्नं जोयणसहस्साईं वज्जित्ता मज्झे तिसु जोयणसहस्सेसु एत्थ णं सत्तमाए पुढवीए नेरइयाणं पंच अणुत्तरा महइमहालया महानिरया प० तं जहा - काले महाकाले रोरुए महारोरुए अप्पइट्ठाणे नामं पंचमे । ते णं निरया वट्टे य तंसा य अहे खुरप्पसंठाणसंठिया जाव असुभा नरगा असुभाओ नरएस वेयणाओ ॥ २२८ ॥ केवइया णं भंते ! असुरकुमारावासा प० ? गोयमा । इमीसे णं रयणप्पभाए पुढवीए असीउत्तर जोयणसयसहस्सबाहल्लाए उवरि एगं जोयणसहस्सं ओगाहेत्ता हेट्ठा चेगं जोयणसहस्सं वज्जित्ता मज्झे अट्ठहत्तर जोयणसयसहस्से एत्थ णं रयणप्पभाए पुढवीए चउसट्ठि असुरकुमारावाससयसहस्सा प० । ते णं भवणा वाहिं वट्टा अंतो चउरंसा अहे पोक्खरकण्णिआसंठाणसंठिया उक्किण्णंतरविडलगंभीरखायफलिहा अट्टालयच रियदारगोउरकवाडतोरणपडिदुवार देसभागा जंतमुसलमुसंढिसयग्घिपरिवारिया अउज्झा अडयालकोट्ठरइया अडयालकयवणमाला लाउलोइयमहिया गोसीससरसरत्तचंदणदददिष्णपंचंगुलितला कालागुरु पवरकुंदुरक्कतुस्कडज्अंतधूवमघमघेतगंधुद्ध्याभिरामा सुगंधवरगंधिया गंधवट्टिभूया अच्छा सण्हा लम्हा घट्टा मट्ठा नीरया णिम्मला वितिमिरा विसुद्धा सप्पभा समि
३७२