Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 410

सुत्तागसे
[समवाए
लाओ चरमंताओ गोथूभस्स णं आवासपव्वयस्स पञ्चच्छिमिले चरमंते एस णं सत्ताणउइ जोयणसहस्साइं अबाहाए अंतरे पन्नत्ते । एवं चउदिसि पि । अढण्हं कम्मपगडीणं सत्ताणउइ उत्तरपगडीओ पन्नत्ताओ। हरिसेणे णं राया चाउरंतचक्कवट्टी देसूणाई सत्ताणउइ वाससयाई अगारमज्झे वसित्ता मुंडे भवित्ता णं जाव पवइए ॥ १७५ ॥ नंदणवणस्स णं उवरिलाओ चरमंताओ पंडुयवणस्स हेहिले चरमंते एस णं अट्ठाणउइ जोयणसहस्साइं अवाहाए अंतरे पन्नत्ते । मंदरस्स णं पव्वयस्स पचच्छिमिल्लाओ चरमंताओ गोथूभस्स आवासपव्वयस्स पुरच्छिमिल्ले चरमंते एस णं अट्ठाणउइ जोयणसहस्साई अवाहाए अंतरे प० । एवं चउदिसिं पि । दाहिणभरहवस्स णं धणुप्पिटे अट्ठाणउइ जोयणसयाइं किंचूणाई आयामेणं पन्नत्ते । उत्तराओ णं कट्ठाओ सूरिए पढम छम्मासं अयमाणे एगूणपन्नासतिमे मंडलगते अट्ठाणउइ एकसट्ठिभागे मुहुत्तस्स दिवसखेत्तस्स निवुवेत्ता रयणिखेत्तस्स अभिनिवुद्धित्ता गं सूरिए चारं चरइ । दक्षिणाओ णं कट्ठाओ सूरिए दोच्चं छम्मासं अयमाणे एगूणपन्नासइमे मंडलगते अट्ठाणउइ एकसट्ठिभाए मुहुत्तस्स रयणिखित्तस्स निवुवेत्ता दिवसखेत्तस्स अभिनिवुड्डित्ता णं सूरिए चारं चरइ । रेवईपढमजेहापज्जवसाणाणं एगूणवीसाए नक्खत्ताणं अट्ठाणउइ ताराओ तारग्गेणं पन्नत्ताओ ॥ १७६ ॥ मंदरे णं पव्वए णवणउइ जोयणसहस्साइं उर्दू उच्चत्तेगं पत्नत्ते । नंदणवणस्स णं पुरच्छिमिलाओ चरमंताओ पञ्चच्छिमिल्ले चरमंते एस णं नवनउइ जोयणसयाई अवाहाए
अंतरे पन्नत्ते । एवं दक्खिणिल्लाओ चरमंताओ उत्तरिल्ले चरमंते एस णं णवणउइ जोयणसयाइं अवाहाए अंतरे पन्नत्ते । उत्तरे पढमे सूरियमंडले नवनउइ जोयणसहस्साइं साइरेगाइं आयामविक्खंभेणं पन्नत्ते । दोचे सूरियमंडले नवनउइ जोयणसहस्साइं साहियाइं आयामविक्खंभेणं पन्नत्ते । तइए सूरियमंडले नवनउइ जोयणसहस्साइं साहियाई आयामविक्खंभेणं पन्नत्ते । इमीसे णं रयणप्पभाए पुढवीए अंजणस्स कंडस्स हेहिलाओ चरमंताओ वाणमंतरभोमेजविहाराणं उवरिमंते एस ण नवनउइ जोयणसयाई अवाहाए अंतरे पन्नत्ते ॥ १७७ ॥ दसदसमिया गं भिक्खुपडिमा एगेणं राइंदियसतेणं अद्धछठेहिं भिक्खासतेहिं अहासुत्तं जाव आरा. हिया वि भवइ । सयभिसया नक्खत्ते एकसयतारे पन्नत्ते । सुविही पुप्फदंते गं अरहा एग धणूसयं उर्दू उच्चत्तेणं होत्था । पासे गं अरहा पुरिसादाणीए एक वास. सयं सव्वाउयं पालइत्ता सिद्धे जाव प्पहीणे । एवं थेरे वि अजसुहम्मे । सव्वे वि णं दीहवेयड्डपव्वया एगमेगं गाउयसयं उर्दू उच्चत्तेणं प० । सव्वे वि णं चुल्लहिमवंतसिहरीवासहरपव्वया एगमेगं जोयणसयं उर्दू उच्चत्तेणं प० एगमेगं गाउयसयं