Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 399

सं० ४२ ]
सुत्तागमे
३४७
जीवविभत्ती य । चमरस्स णं असुरिंदस्स असुररण्णो सभा सुहम्मा छत्तीसं जोयणाई उङ्कं उच्चत्तेणं होत्था । समणस्स णं भगवओ महावीरस्स छत्तीसं अजाणं साहस्सीओ होत्था | चेत्तासोएसु णं मासेसु सइ छत्तीसंगुलियं सृरिए पोरिसिछायं निव्वत्तइ ॥ ११४ ॥ कुंथुस्सणं अरहओ सत्ततीसं गणा सत्ततीसं गणहरा होत्था । हेमवयहेरण्णचयाओ णं जीवाओ सत्ततीसं जोयणसहस्साइं छच चउत्तरे जोयणसए सोलस यं एगूणवीसभाए जोयणस्स किचि विसेसूणाओ आयामेण पन्नत्ताओ । सव्वासु णं विजयवेजयंतजयंतअपराजिआसु रायहाणीसु पागारा सत्ततीसं सत्ततीसं जोयणाई उड्डुं उच्चत्तेणं प० । खुट्टियाए णं विमाणपविभत्तीए पढमे वग्गे सत्ततीसं उद्देसणकाला प० । कत्तियवहुलसत्तमीए णं सृरिए सत्ततीसंगुलियं पोरिसिछायं निव्वत्तइत्ता णं चारं चरइ ॥ ११५ ॥ पासस्स णं अरहओ पुरिसादाणीयस्स अट्ठतीसं अजिआसाहस्सीओ उक्कोसिया अज्जियासंपया होत्था | हेमवयएरण्णवईयाणं जीवाणं धणूपिट्टे अट्ठतीसं जोयणसहस्साइं सत्त य चत्ताले जोयणसए दस एगूणवीसइभागे जोयणस्स किंचि विसेसूणा परिक्खेवेगं पन्नत्ता | अत्थस्स णं पव्वयरण्णो वितिए कंडे अट्ठतीस जोयणसहस्साई उद्धुं उच्चत्तेणं होत्था | खुड्डियाए णं विमाणपविभत्तीए वितिए वग्गे अट्टतीसं उद्देसणकाला प० ॥ ११६ ॥ नमिस्स णं अरहओ एगूणचत्तालीसं आहोहियसया होत्या । समयखेत्ते एगूणचत्तालीसं कुलपव्वया प०, तं जहा- तीसं वासहरा, पंच मंदरा, चत्तारि उसुकारा । दोचचउत्थपंचमछट्टसत्तमासु णं पंचसु पुढवीसु एगूचत्तालीसं निरयावाससयसहस्सा प० । नाणावरणिजस्स मोहणिजस्स गोत्तस्स आउयस्स एयासि णं चउन्हें कम्मपगडीणं एगूणचत्तालीसं उत्तरपगडीओ पन्नत्ताओ ॥ ११७ ॥ अरहओ णं अरिट्ठनेमिस्स चत्तालीसं अज्जियासाहस्सीओ होत्था । संदरचूलियाणं चत्तालीसं जोयणाई उड्ड उच्चत्तेगं पण्णत्ता । संती अरहा चत्तालीसं धणूई उ उच्चत्तेनं होत्था । भूयाणंदस्स णं नागकुमारस्स नागरन्नो चत्तालीसं भवणावाससयसहस्सा प० । खुड्डियाएं णं विमाणपविभत्तीए तइए वग्गे चत्तालीसं उद्देसणकाला प० । फग्गुणपुण्णिमासिणीए णं सूरिए चत्तालीसंगुलियं पोरिसीछायं निव्वट्टत्ता णं चारं चरइ । एवं कत्तियाए वि पुष्णिमाए । महामुके कप्पे चत्तालीसं विमाणावाससहस्सा प० ॥ ११८ ॥ नमिस्स णं अरहओ एगचत्तालीसं अज्जियासाहस्सीओ होत्था । चउसु पुढवीसु एक्कचत्तालीसं निरयावाससयसहस्सा प०, तं जहा - रयण
भाए कप्पभाए तमाए तमतमाए । महालियाए णं विमाणपविभत्तीए पढमे वग्गे एकचत्तालीसं उद्देसणकाला प० ॥ ११९ ॥ समणे भगवं महावीरे बायालीसं वासाईं साहियाई सामण्णपरियागं पाउणित्ता सिद्धे जाव सव्वदुक्खप्पहीणे । जंबुद्दीवस्स णं