________________
म० १०]
सुत्तागमे
३०५
उक्कावाए दितिदाघे गजिए विजुए निग्धाए जूयए जक्खालित्ते धूमिया महिया रयउग्धाए ॥ ९४९ ॥ दसविहे ओरालिए असज्झाइए प० तं ० -अट्ठि मंसं सोणिए अनुइसामंते सुसाणसामंते चंदोबराए सूरोवरा पडणे राययुग्गहे उवस्सयस्स अंतो ओरालिए सरीरंगे ॥ ९५० ॥ पंचिदियाणं जीवाणं असमारभमाणस्स दसविहे संजमे कज्जइ तं० - सोयामयाओ सुक्खाओ अववरोवेत्ता भवइ, सोयामएणं दुक्खेणं असंजोगेत्ता भवइ, एवं जाव फासामएणं दुक्खेणं असंजोएत्ता भवइ, एवं असंजमोवि भाणियव्वो ॥ ९५१ ॥ दसमुहमा प० तं० - पाणसुहुमे, पणगसुहुमे जाव सिणेहमुहुमे, गणियहुमे, भंगहुमे ॥ ९५२ ॥ जंबूमंदरदाहिणेणं गंगासिधुमहाणईओ दसमहाणईओ समप्पेंति तं० जणा, सरऊ, आवी, कोसी, मही, सिंधू, विवच्छा, विभासा, एरावई, चंद्रभागा ॥ ९५३ ॥ जंबूमंदरउत्तरेणं रत्तारत्तवईओ महाओ दस महाणईओ समप्पेंति तं ० - किण्हा, महाकिण्हा, नीला, महानीला, तीरा, महातीरा, इंदा जाब महाभोगा ॥ ९५४ ॥ जंबुद्दीवे दीवे भारहे वासे दस रायहाणीओ प० तं० चंपा, महुरा, वाणारसी य, सावत्थी, तह य साएयं, हत्थि - नाउर, कंपिल्लं, मिहिला, कोसंवि, रायगिहं ॥ ९५५ ॥ एयासु णं दस रायहाणीसु दस रायाणो मुंडा भवेत्ता जाव पव्वइया, तं० - भरहे, सगरो, मघवं, सणकुमारो, संती, कुंथू, अरे, महापउमे, हरिसेणो, जयणामे ॥ ९५६ ॥ जंबूमंदरपव्वए दस जोयणसयाई उव्वेहेणं धरणितले दस जोयणसहस्साई विक्खंभेणं उवरि दसजोयसयाई विक्खभेणं दसदसाई जोयणसहस्साइं सव्वग्गं प० ॥ ९५७ ॥ जंबुद्दीवे दीवे मंदरस्स पव्वयस्स बहुमज्नदेसभाए इमीसे रयणप्पभाए पुढवीए उवरिमहेठ्ठिलेमु खड्गपयरेसु एत्थ णं अठ्ठ पएसिए स्यगे प० जओ णं इमाओ दस दिसाओ पवहंति तं पुरच्छिमा, पुरच्छिमदाहिणा, दाहिणा, दाहिणपच्चत्थिमा, पञ्चत्थिमा, पच्चत्थिमुत्तरा, उत्तरा, उत्तरपुरच्छिमा, उड्ढा, अहो ॥ ९५८ ॥ एएसि णं दसहं दिसाणं दस णामधिज्जा, प० तं० - इंदा अग्गीड़ जमा णेरई वारुणी य वायव्वा, सोमा ईसा - णावि य विमला य तमा य वोद्धव्वा ॥ ९५९ ॥ लवणस्स णं समुद्दस्स दस जोयणसहस्साइं गोतित्थविरहिए खेत्ते प० ॥ ९६० ॥ लवणस्स णं समुद्दस्स दस जोयणसहस्साईं उदगमाले पन्नत्ते ॥ ९६१ ॥ सव्वेवि णं महापायाला दसदसाईं जोयणसहस्साइं उव्वेहेणं प० मूळे दस जोयणसहस्साईं विक्खंभेणं प० बहुमज्झदेसभागे एगपएसियाए सेढीए दसदसाईं जोयणसहस्साइं विक्खंभेणं प० उवरिं मुहमूले दस जोयणसहस्साईं विक्खंभेणं प० तेसिं णं महापायालाणं कुड्डा सव्ववइरामया सव्वत्यसमा दस जोयणसयाई वाहणं प० सव्वेति णं खुद्दा पायाला दस जोयणसयाईं २० सुत्ता०
