________________
२९४
सुत्तागमे
[ ठाणे
तं० ईसीइ वा, ईसिप भाराइ वा, तणूइ वा, तणुतणूइ वा, सिद्धीति वा, सिद्धालएइ वा, मुत्तीइ वा, सुत्तालएइ वा ॥ ८४३ ॥ अठ्ठहिं ठाणेहिं सम्मं संघडियव्वं जइयव्वं परक्कमियव्वं अस्सि च णं अठ्ठे णो पसाएयव्वं भवइ, असुयाणं धम्माणं सम्मं सुणणयाए अब्भुठेयव्वं भवइ, सुयाणं धम्माणं ओगिण्हणयाए उवधारणयाए अन्भुठेयव्वं भवइ, पावाणं कम्माणं संजमेणमकरणयाए अन्सुठेयव्वं भवइ, पोराणाणं कम्माणं तवसा विगिंचणयाए विसोहणयाए अब्भुठेयव्वं भवइ, असंगिहीयपरियणस्स संगिण्हणयाए अब्भुठेयव्वं भवइ, सेहं आयारगोयरगहणयाए अब्भुठ्ठेयव्वं भवइ, गिलाणस्स अगिलाए वेयावच्चकरणयाए अब्भुठेयन्वं भवइ, साहम्मियाणमधिकरणंसि उप्पण्णंसि तत्थ अणिस्सिओस्सिओ अपक्खग्गाही मज्झत्थभावभूए कह णु साह - म्मिया अप्पसद्दा अप्पझंझा अप्पतुमतुमा उवसामणयाए अन्भुठ्ठेयव्वं भवइ ॥ ८४४ ॥ महासुक्कसहस्सारेख णं कप्पेसु विमाणा अठ्ठ जोयणसयाई उर्दू उच्चत्तेणं प० ॥ ८४५ ॥ अरहओ णं अरिठ्ठनेमिस्स अठ्ठसया वाईणं सदेवमणुयासुराए परिसाए बाए अपराजियाणं उक्कोसिया वाइसंपया होत्या ॥ ८४६ ॥ अठ्ठसामइए केवलिसमुग्धाए प० तं० पढमे समए दंड करेइ बीए समए कवाडं करेइ तइए समए मंथानं करेइ चउत्थे समए लोगं पूरेइ पंचमे समए लोगं पडिसाहरइ छठे समए मंथं पडिसाहरइ सत्तमे समए कवाडं पडिसाहरइ अठ्ठमे समए दंडं पडिसाहरइ ॥ ८४७ ॥ समणस्स णं भगवओ महावीरस्स अठ्ठ सया अणुत्तरोववाइयाणं गइकल्लाणाणं जाव आगमेसिभद्दाणं उक्लोसिया अणुत्तरोववाइयसंपया होत्था ॥ ८४८ ॥ अठ्ठविहा वाणमंतरा देवा प० तं० - पिसाया भूया जक्खा रक्खसा किन्नरा किंपुरिसा महोरगा गंधव्वा ॥ ८४९ ॥ एएसि णं अठ्ठण्हं वाणमंतरदेवाणं अठ्ठरुक्खा प० तं०-कलंबो अ पिसायाणं वडो जक्खाणमेव य; तुलसी 'भूयाणं भवे रक्खसाणं च कंडओ ( १ ) असोओ किन्नराणं च किंपुरिसाण य चंपओ; नागरुक्खो भुयंगाणं गंधव्वाण य तेंदुओ ( २ ) ॥ ८५० ॥ इमीसे रयणप्पभाए पुढंवीए बहुसमरमणिजाओ भूमिभागाओ अठ्ठजोयणसए उड्डवाहाए सूरविमाणे चारं चरइ ॥ ८५१ ॥ अठ नक्खत्ता चंदेणं सद्धिं पमद्दं जोगं जोएंति तं० कत्तिया रोहिणी पुणव्वसू महा चित्ता विसाहा अणुराहा जेठ्ठा ॥ ८५२ ॥ जंबुद्दीवस्स णं दीवस्स दारा अठ्ठजोयणाई उ उचत्तेणं प० - सव्वेसिंपि दीवसमुद्दणं दारा अठ्ठजोयणाईं उट्टं उच्चत्तेणं प० ॥ ८५३ ॥ पुरिसवेयणिजस्स णं कम्मस्स जहणेणं अठ्ठसंवच्छराई बंधठिई प० ॥ ८५४ ॥ जसोकित्तीनांमएणं कम्मस्स जहन्नेणं अठ्ठ मुहुत्ताईं बंधठिई प० ॥ ८५५ ॥ उच्चगोयस्स णं कम्मस्स एवं चेव
