________________
सुत्तागमे
[ाफे कासिवद्धणे)॥ ७८८ ॥ अठविहे आहारे प० तं० मणुण्णे असणे पाणे खाइमे साइसे अमणुण्णे जाव साइमे ॥ ७८९ ॥ उप्पिं सणंकुमारमाहिंदाणं कप्पाणं हेठिं बंभलोए कप्पे रिठे विमाणे पत्थडे एत्थ णमक्खाडगसमचउरंससंठाणसंठियाओ अठ्ठ कण्हराईओ प० तं० पुरच्छिमेणं दो कण्हराईओ दाहिणेणं दो कण्हराईओ पञ्चच्छिमेणं दो कण्हराईओ उत्तरेणं दो कण्हराईओ, पुरच्छिमा अब्भंतरा कण्हराई दाहिणं बाहिरं कण्हराई पुट्ठा, दाहिणा अन्भितरा कण्हराई पञ्चच्छिमगं वाहिरं कण्हराइं पुट्ठा, पञ्चच्छिमा अभंतरा कण्हराई उत्तरं बाहिरं कण्हराइं पुट्ठा, उत्तरा अभंतरा कण्हराई पुरच्छिमं बाहिरं कण्हराइं पुठ्ठा, पुरच्छिमपञ्चच्छिमिल्लाओ बाहिराओ दो कण्हराईओ छलंसाओ उत्तरदाहिणाओ वाहिराओ दो कण्हराईओ तंसाओ सव्वाओ वि णं अभंतरकण्हराईओ चउरंसाओ, एयासि णं अहं कण्हराईणं अठ्ठ नामधेजा प० तं० कण्हराईति वा मेहराईति वा मघाति वा माधवईति वा वातफलिहेति वा वातपलिक्खोभेति वा देवपलिहे वा देवपलिक्खोभेति वा, एयासि णं अट्ठण्हं कण्हराईणं असु उवासंतरेसु अठ्ठलोगंतियविमाणा प० तं० अची अच्चिमाली वइरोयणे पभंकरे चंदाभे सूराभे सुपइठ्ठाभे अग्गिच्चाभे, एएसु णं असु लोगंतियविमाणेसु अठविहा लोगंतिया देवा प० तं० सारस्सयमाइचा वण्ही वरुणा य गद्दतोया य, तुसिया अव्वावाहा अग्गिच्चा चेव बोधव्वा (१) एएसि णं अकृण्हं लोगंतियदेवाणं अजहण्णमणुक्कोसेणं अठ्ठ सागरोवमाइं ठिई प० ॥ ७९० ॥ अठ्ठ धम्मत्थिकायमज्झपएसा प० अठ्ठ अहम्मस्थिकायमज्मपएसा एवं चेव अठ्ठ आगासत्थिकायमज्झपएसा प० एवं चेव अठ्ठ जीवमज्झपएसा प० ॥७९१॥ अरहंता णं महापउमे अठ्ठ रायाणो मुंडा भवित्ता अगाराओ अणगारिय पवावेस्सति तं० पउमं पउमगुम्मं नलिणं नलिणगुम्मं पउमद्धयं धणुद्धयं कणगरहं सरहं ।। ७९२ ॥ कण्हस्स णं वासुदेवस्स अठ्ठ अग्गमहिसीओ अरहओणं अरिठनेमिस्स अतिए मुंडा भवेत्ता अगाराओ अणगारियं पव्वइया सिद्धाओ जाव सव्वदुक्खप्पहीणाओ तं० पउमावई य गोरी गंधारी लक्खणा सुसीमा य जंबवई सच्चभामा रुप्पिणी कण्हअग्गमहिसीओ ॥ ७९३ ॥ वीरियपुव्वस्स णं अठ्ठ वत्थू अठ्ठ चूलियावत्थू प० ॥ ७९४ ॥ अठ्ठ गईओ प० तं० णिरयगई तिरियगई जाव सिद्धिगई गुरुगई पणोलणगई पन्भारगई ॥ ७९५॥ गंगासिधुरत्तारत्तवइदेवीणं दीवा अठ्ठ २ जोयणाई आयामविक्खंभेणं प० ॥ ७९६ ॥ उक्कामुहमेहमुहविजुमुहविजुदंतदीवाणं दीवा अठ्ठ २ जोयणसयाई आयामविक्खंभेणं प० ॥ ७९७ ॥ कालोदे णं समुद्दे अठ्ठ जोयणसयसहस्साई चकवालविक्खंभेणं प० ॥ ७९८ ॥
