________________
सुत्तागमे
सत्तमहाणं
सत्तविहे गणावक्कमणे प० तं सव्वधम्मा रोएमि एगइया रोएम एगइया णो रोएमि सव्वधम्मा वितिगिच्छामि एगइया वितिगिच्छामि एगइया नो वितिगिच्छामि सव्वधम्मा जुहुणामि एगइया जुहुणामि एगइया णो जुहणामि इच्छामिणं भंते । एगलविहारपडिमं उवसंपज्जित्ता णं विहरित्तए || ६५८ ॥ सत्तविहे विभंगणाणे प० तं० एगदिसिलोगाभिगमे, पंचदि सिलोगाभिगमे, किरियावरणे जीवे, मुदग्गे जीवे, अमुदग्गे जीवे, रुवी जीवे, सव्वमिणं जीवा, तत्थ खलु इमे पढमे विभंगणाणे जया णं तहारूत्रस्स समणस्स वा माहणस्स वा विभंगणाणे समुप्पज्जइ से णं तेणं विभंगणाणेगं समुप्पन्नेगं पासइ पाईणं वा पडीगं वा दाहिणं वा उदीण वा उ वा जाव सोहम्मे कप्पे तस्स णमेवं भवइ अस्थि णं मम अइसेसे णाणदंसणे समुप्पन्न एगदिसिं लोगाभिगमे संतेगइया समणा वा माहणा वा एवमाहंसु पंचदिसिं लोगाभिगमे जे ते एवमाहंसु मिच्छं ते एव माहंसु पढमे विभंगणाणे, अहावरे दोचे विभंगगाणे जया णं तहारूवस्स समणस्स वा माहणस्स वा विभंगणाणे समुप्पज्जइ से णं तेणं विभंगणाणेणं समुप्पण्णेणं पासइ पाईणं वा पडीणं वा दाहिणं वा उदीगं वा उद्धुं जाव सोहम्मे कप्पे तस्स णं एवं भवइ अत्थि णं मम अइसेसे णाणदंसणे समुप्पण्णे पंचदिसिं लोगाभिगमे संतेगइया समणा वा माहणा वा एवमाहंतु एगदिसिं लोगाभिगमे जे ते एवमाहंतु मिच्छं ते एवमाहंनु दोचे विभंगणाणे । अहावरे तच्चे विभंगणाणे जया णं तहारुवस्स समणस्स वा माहणस्स वा विभंगणाणे समुप्पज्जइ, से णं तेणं विभंगणाणेणं समुप्पण्णेणं पास पाणे अइवाएमाणा, मुसं वएमाणे अदिन्नमादितमाणे मेहुणं पडिसेवमाणे परिग्गहं परिगिण्हमाणे, राइभोयणं भुंजमाणे वा पावं च णं कम्मं कीरमाणं णो पासइ तस्स णमेवं भवइ अत्थि णं मम अइसेसे णाणदंसणे समुप्पन्ने किरियावरणे जीवे संतेगइया समणा वा माहणा वा एवमाहंसु णो किरियावरणे जीवे जे ते एवमाहंतु मिच्छं ते एवमाहंसु तच्चे विभंगणाणे । अहावरे चउत्थे विभंगणाणे जया णं तहारुवस्स समणस्स वा माहणरस वा जाव समुप्पज्जइ से णं तेणं विभंगणाणेणं समुप्पन्नेणं देवामेव पासइ वाहिरव्भंतरए पोग्गले परियाइइत्ता पुढेगत्तं णाणत्तं फुसिया फुरित्ता फुट्टित्ता विकुव्वित्ता णं विकुव्वित्ता णं चिठ्ठित्तए तस्स णमेवं भवइ अत्थि णं मम अइसेसे णाणदंसणसमुप्पन्न मुदग्गे जीवे संतेगइया समणा वा माहणा वा एवमाहंसु अमुदग्गे जीवे, जे ते एबमाहंतु मिच्छं ते एवमाहंतु चउत्थे विभंगनाणे, अहावरे पंचमे विभंगणाणे जया णं तहारुवस्स समणस्स जाव समुप्पज्जइ, से णं तेणं
२७६
[ ठाणे
