Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 326

सुत्तागमे
ठाणे २७४ जंबुद्दीवे दीवे छ महद्दहा प० तं० पउमद्दहे महापउमद्दहे तिगिच्छदहे केसरिदहे महापोंडरीय(हे पुंडरीयहहे ॥ ६१८ ॥ तत्थ णं छ देवयाओ महड्डियाओ जाव पलिओवमछिईयाओ परिवसंति तं० सिरी हिरी धिई कित्ती बुद्धी लच्छी ॥ १९ ॥ जंबूमंदरदाहिणेणं छ महानईओ प० तं० गंगा सिधू रोहिया रोहियंसा हरी हरिकता ॥ ६२०॥ जंबूमंदरस्स उत्तरे णं छ महानईओ प० तं० णरकता णारिकता नुवण्णकूला रुप्पकूला रत्ता रत्तवई ॥ ६२१ ॥ जंवूमंदरपुरच्छिमे णं सीयाए महानईए उभयकूले छ अंतरनईओ प० तं० गाहावई दहावई पंकवई तत्तजला मत्तजला उम्मत्तजला ॥ ६२२ ॥ जंबूमंदरपञ्चत्थिमे णं सीओयाए महानईए उभयकूले छ अंतरनईओ प० तं० खीरोदा सीहसोया अंतोवाहिणी उम्मिमालिणी फेणमालिणी गंभीरमालिणी ॥ ६२३ ॥ धायइसंडदीवपुरच्छिमद्धेणं छ अकम्मभूमीओ प० तं० हेमवए एवं जहा जंबुद्दीवे २ तहा णई जाव अंतरणईओ जाव पुक्खरवरदीवद्रुपञ्चत्थिमद्धे भाणियव्वं ॥६२४॥ छ उऊ प० तं० पाउसे वरिसारत्ते सरए हेमंते वसंते गिम्हे ॥ ६२५ ॥ छ ओमरत्ता प० तं० तइए पव्वे सत्तमे पव्वे एकारसमे पव्वे पन्नरसमे पव्वे एगूणवीसइमे पव्वे तेवीसइमे पव्वे ॥ ६२६ ॥ छ अइरत्ता प० तं० चउत्थे पव्वे अठुमे पव्वे दुवालसमे पव्वे सोलसमे पव्वे वीसइमे पव्वे चउवीसइमे पन्वे ॥ ६२७ ॥ आभिणिवोहियणाणस्स णं छव्विहे अत्थोग्गहे प०तं. सोइंदियत्थोग्गहे जाव नोइंदियत्थोग्गहे ॥ ६२८ ॥ छविहे ओहिणाणे प० तं० आणुगामिए अणाणुगामिए वडमाणए हीयमाणए पडिवाई अपडिवाई ॥ ६२९ ॥ नो कप्पड़ निग्गंथाण वा निग्गंथीण वा इमाइं छअवयणाई वइत्तए तं० अलियवयणे हीलियवयणे खिसियवयणे फरुसवयणे गारत्थियवयणे विउसवियं वा पुणो उदीरित्तए ॥ ६३० ॥ छ कप्पस्स पत्थारा प० तं० पाणाइवायस्स वायं वयमाणे मुसावायस्स वायं वयमाणे अदिन्नादाणस्स वायं वयमाणे अविरइवायं वयमाणे अपुरिसवायं वयमाणे दासवायं वयमाणे इच्चेए छ कप्पस्स पत्थारे पत्थरेत्ता सम्ममपरिपूरेमाणे तछाणपत्ते ॥ ६३१ ॥छ कप्पस्स पलिमंथू प० तं० कोकुइए संजमस्स पलिमंथू मोहरिए सच्चवयणस्स पलिमंथू चक्खुलोलुए इरियावहियाए पलिमथू तितिणिए एसणागोयरस्स पलिमथू इच्छालोभिए मुत्तिमग्गस्स पलिमंथू भिजाणिदाणकरणे मोक्खमग्गस्स पलिमंथू सव्वत्थ भगवया अणिदाणता पसत्था ॥६३२॥ छविहा कप्पठिई प० त० सामाइयकप्पठिई छेओवठ्ठावणियकप्पठिई निव्विसमाणकप्पठिई णिविठ्ठकप्पठिई जिणकप्पठिई थिविरकप्पठिई ॥ ६३३ ॥ समणे भगव महावीरे छठेणं भत्तेणं अपाणएणं मुंडे जाव पव्वइए ॥ ६३४ ॥ समणस्स ण