________________
२५३
०४ उ० ४] सुत्तागमे विहा उवसग्गा प० तं० दिव्वा माणुसा तिरिक्खजोणिया आयसंवेयणिज्जा । दिव्वा उवसग्गा चउविहा प० तं० हासा पओसा वीमंसा पुढोवेमाया, माणुस्सा उवसग्गा चउम्विहा प० तं० हासा पाओसा वीमंसा कुसीलपंडिसेवणया, तिरिक्खजोणिया उवसग्गा चउव्विहा प० त० भया पदोसा आहारहेडं अवच्चलेणसारक्खणया, आयसंचयणिजा उवसग्गा चटविहा प० तं० घट्टणया पवडणया थंभणया लेसणया ॥ ४६१ ॥ चउन्विहे कम्मे प० तं० सुभे णाम एगे सुभे, सुभे णाममेगे असुभे, असुभे० ४ । चउविहे कम्मे
प० तं० सुभे णाममेगे सुभविवागे, सुभे णाममेगे असुभविवागे, असुभे णाममेगे - सुभविवागे, असुभे णाममेगे असुभविवागे । चउविहे कम्मे प० तं० पगडीकम्मे, ठिइकम्मे, अणुभावकम्मे पदेसंकम्मे ॥ ४६२ ॥ चउविहे संघे प० तं० समणा समणीओ सावगा साविगाओ ॥ ४६३ ॥ चउन्विहा बुद्धी प० तं० उप्पत्तिया वेगइया कम्मिया, पारिणामिया, चउविहा मई प० तं० उग्गहमई ईहामई अवायमई धारणामई अहवा चउब्विहा मई, अरंजरोदगसमाणा, वियरोदगसमाणा सरोदगसमाणा सागरोदगसमाणा ॥ ४६४ ॥ चउन्विहा संसारसमावण्णगा जीवा प० तं० णेरड्या तिरिक्खजोणिया मणुस्सा देवा, चउन्विहा सव्वजीवा प० तं० मणजोगी वइजोगी कायजोगी अजोगी, अहवा चउन्विहा सव्वजीवा प० तं० इत्थिवेयगा पुरिसवेयगा णपुंसकवेयगा अवेयगा, अहवा चउन्विहा सव्वजीवा प० त० चक्खुदंसणी अचक्खुदंसणी ओहिदसणी केवलदसणी, अहवा चउविहा सव्वजीवा प० तं० संजया असंजया संजयासंजया णोसंजयाणोअसंजया ॥ ४६५ ॥ चत्तारि पुरिसजाया पतं० मित्ते णाममेगे मित्ते, मित्ते णाममेगे अमित्ते, अमित्ते णाममेगे मित्ते, अमित्ते णाममेगे अमित्ते, चत्तारि पुरिसजाया प० तं० मित्ते णाममेगे मित्तरूवे चउभंगो ॥ ४६६ ॥ चत्तारि पुरिसजाया प० तं० मुत्ते णाममेगे मुत्ते मुत्ते णाममेगे अमुत्ते ४ । चत्तारि पुरिसजाया प० तं० मुत्ते णाममेगे मुत्तरूवे ४ ॥ ४६७ ॥ पंचिंदियतिरिक्खजोणिया चउगइया चउआगइया प० तं० पंचिंदियतिरिक्खजोणिया पंचिंदियतिरिक्खजोणिएसु उववजमाणा णेरइएहिंतो वा, तिरिक्खजोणिएहिंतो वा, मणुस्सेहिंतो वा, देवेहिंतो वा उववंज्जेजा, से चेव णं से पंचिंदियतिरिक्खजोणिए पंचिंदियतिरिक्खजोणियत्तं विप्पजहमाणे णेरइयत्ताए वा जाव देवत्ताए वा उवागच्छेजा, मणुस्सा चउगइया चउआगइया एवं चेव मणुस्सावि ॥ ४६८ ॥ बेइंदिया णं जीवा असमारंभमाणस्स चउन्विहे संजमे कजइ तं० जिन्भामयाओ सोक्खाओ अववरोवेत्ता भवइ, जिब्भामएणं दुक्खेणं असंजोगेत्ता भवइ, फासामयाओ
