________________
अ० ३ उ० ३]
सुत्तागमे
२१
"
०
मंति, चयंति उववजंति अणुलोमवाऊ समुट्ठियं उदगपोगलं परिणयं वासिउकामं तंदेसं साहरति अभवद्दलगं च णं समुठ्ठियं परिणयं वासिकामं णो वाउकाओ विहुति, इचेएहिं तिहिं ठाणेहिं महावुठ्ठिकाए सिया ॥ २२९ ॥ तिहिं ठाणेहिं अहुणोववन्ने देवे देवलोगेसु इच्छेजा माणुसं लोगं हव्वैमागच्छिंत्तए, णो चेवणं संचाएइ हव्वमागच्छित्तए तं० अहुणोववन्ने देवे देवलोगेसु दिव्वेसु कामभोगेसु मुच्छिए गिद्धे गढिए अज्झोववन्ने से णं माणुरसए कामभोगे णो आढाइ णो परियाणा णो अठ्ठे वंधड़ णो णियाणं पगरेइ, णो ठिइप्पकप्पं पकरेड, अहुणोववन्ने देवे देवलोगेसु दिव्वेसु कामभोगेसु मुच्छिए गिद्धे गढिए अज्झोववन्ने तस्सं माणुस्सए पेम्मे वोच्छिन्ने दिव्वे संकंते भवइ, अहुणोववन्ने देवे देवलोएसु दिव्वेसु कामभोगेसु मुच्छिए जाव अज्जोववन्ने तस्स णमेवं भवइ इयहिं न गच्छं मुहुत्तं गच्छं तेण कालेनमप्पाउया मणुस्सा कालधम्मुणा संजुत्ता भवंति इचेएहिं तिहिं ठाणेहिं अहुणोववन्ने देवे देवलोगेस इच्छेजा माणुस्सं लोगं हव्वमागच्छित्तए नो चेव णं संचाएइ हव्वमागच्छित्तए । तिहिं ठाणेहिं अहुणोववन्ने देवे देवलोएसु इच्छेजा माणुस्सलोगं हव्वमागच्छित्तए संचाएइ हव्वमागच्छित्तए तं • अहुणोववन्ने देवे देवलोगेसु दिव्वेसु कामभोगेषु अमुच्छिए अगिद्धे अगढिए अणज्झोववण्णे तस्स णं एवं भवइ अत्थि णं मम माणुस्सए भवे आयरिएइ वा, उवज्झाएइ वा पवत्तेइ वा थेरेइ वा, गणीइ वा गणहरेइ वा गणावच्छेएइ वा जेसिं पभावेणं मए इमा एया रुवा दिव्वा देविट्ठी दिव्वा देवजुई दिव्वे देवाणुभावे लद्धे पत्ते अभिसमण्णागए तं गच्छामि णं ते भगवंते वंदामि णमंसामि सक्कारेमि सम्माणेमि कल्लाणं मंगलं देवयं जाव पज्जुवासामि अहुणोववन्ने देवे देवलोगेसु दिव्वेसु कामभोगेस अमुच्छिए जाव अणज्झोववन्ने तस्स णं एवं भवइ, एसण माणुस्सए भवे णाणीइ वा, तवस्सीइ वा अइदुकरदुक्करकार तं गच्छामि णं भगवंतं वंदामि णमसामि जाव पजुवासामि अहुणोववृष्णे देवे देवलोगेस जाव अणज्झोववन्ने तस्स णं एवं भवइ अत्थि णं मम माणुस्सए भवे मायाइ वा जाव सुण्हाइ वा तं गच्छामि णं तेसिमंतियं पाउन्भवामि, पासंतु ता मे इमं एयारुवं दिव्वं देविद्धिं दिव्वं देवजुई दिव्वं देवाणुभाव लद्धं पत्त अभिसमण्णागयं इचेएहिं तिहि ठाणेहिं अहुणोववन्ने देवे देवलोगेस इच्छेज माणुसं लोगं हव्वमागच्छित्तए संचाएइ हव्वमागच्छित्तए ॥ २३० ॥ तओ ठाणाई देवे पीहेजा तं ० माणुस्सगं भवं, आरिए खेत्ते जम्मं, सुकुलपचायाई ॥ २३१ ॥ तिहिं ठाणेहिं देवे परितप्पेजा तं० अहो णं मए संते वले "संने वीरिए संते पुरिसक्कारपरक्कमे खेमसि सुभिक्खंसि आयरियउवज्झाएहिं विजमाणेहिं कसरीरेण णो बहुए
(
4
5
>"
""
*
For "
"
