________________
२ सु० अ० ७ ]
सुत्तागमे
हन्ति । विप्पजहित्ता तत्थ परेणं जे तसथावरा पाणा जेहिं समणोवासगस्स आया
सो आमरणन्ताए० तेसु पच्चायन्ति । तेहिं समणोवासगस्स सुपच्चक्खायं भवइ । ते पाणा, वि जाव अयं पि भेदे से नो नेयाउए भवइ । तत्थ जे ते परेणं तसथावरा पाणा जेहिं समणोवास गस्स आयाणसो आमरणन्ताए• ते तओ आउं विप्पज - हन्ति, विप्पजहित्ता तत्थ आरेणं जे तसा पाणा जेहिं समणोवासगस्स आयाणसो आमरणन्ताए...तेसु `पञ्चायन्ति । तेहिं समणोवासगस्स सुपच्चक्खायं भवइ । पाणा वि जाव अयं पि भेदे से नो नेयाउए भवइ । तत्थ जे ते परेणं तसथावरा पाणा जेहिं समणोवासगस्स आयाणसो आमरणन्ताए... ते तओ आउं विप्पजहन्ति विप्पजहित्ता तत्थ आरेणं जे थावरा पाणा जेहिं समणोवा सगस्स अट्टाए दण्डे अणिक्खित्ते अणट्टाए निक्खित्ते तेसु पञ्चायन्ति, जेहि समणोवासगस्स अट्ठाए अणिक्खित्ते, अणट्ठाए निक्खित्ते जाव ते पाणा वि जाव अयं पि भेदे से नो...। तत्थ जे ते परेणं तसथावरा पाणा जेहिं समणोवासगस्स आयाणसो आमरणन्ताए.. ते तओ आउं विप्पजहन्ति । विप्पजहित्ता ते तत्थ परेणं चेव जे तसथावरा पाणा जेहिं समणोवासगस्स आयाणसो आमरणन्ताए० तेसु पच्चायन्ति, जेहिं समणोवासगस सुपचक्खायं भवइ । ते पाणा वि जाव अयं पि भेदे से नो...। भगवं च णं उदाहुन एयं भूयं न एयं भव्वं न एयं भविस्सइ जं णं तसा पाणा वोच्छिज्जिहिन्ति थावरा पाणा भविस्सन्ति, थावरा पाणा वि वोच्छिज्जिहिन्ति तसा पाणा भवि - सन्ति । अवोच्छिन्नेहिं तसथावरेहिं पाणेहिं जं णं तुब्भे वा अन्नो वा एवं वदहनत्थि णं से केइ परियाए जाव नो नेयाउए भवइ ॥ ८११ ॥ भगवं च சு 'उदाहु आउसन्तो उदगा जे खलु समणं वा माहणं वा परिभासेइ मित्ति मन्नन्ति आगमित्ता नाणं आगमित्ता दंसणं आगमित्ता चरित्तं पावाणं कम्माणं अकरणयाए से खलु परलोगपलिमन्यत्ताए चिट्ठा, जे खलु समणं वा माहणं वा नो परिभासइ मित्ति मन्नन्ति आगमित्ता णाणं आगमित्ता दंसणं आगमित्ता चरितं पावाणं कम्माणं अकरणयाए से खलु परलोगविसुद्धीए चिट्ठइ । तए णं से उदए पेढालपुत्ते भगवं गोयमं अणाढायमाणे जामेव दिसिं पाउब्भूए तामेव दिसिं पहारेत्थ गमणाए । भगवं च णं उदाहु आउसन्तो उदगा जे खलु तहाभूयस्स समणस्स वा माहणस्स वा अन्तिए एगमवि आरियं धम्मियं सुवयणं सोच्चा निसम्म अप्पणो चेव सुहुमाए पडिलेहाए अणुत्तरं जोगखेमपयं लम्भिए समाणे सो वि ताव तं आढाइ परिजाणेइ वन्दइ नम॑सइ सक्कारेइ सम्माणेइ जाव कल्लाणं मंगलं देवयं चेइयं पज्जुवासइ । तए णं से उदए पेढालपुत्ते भगवं गोयमं एवं वयासी - एएसिं णं भन्ते पदागं पुत्रि
१८१
