Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 221

२ सु० म०५]
सुत्तागमे
गप्पडिहयपञ्चक्खायपावकम्मे भवइ ? आयरिय आह-तत्थ खलु भगवया छज्जीवनिकायहेऊ पन्नत्ता, तं जहा-पुढवीकाइया जाव तसकाइया । से जहानामए मम अस्सायं दण्डेण वा अट्ठीण वा मुट्ठीण वा लेलूण वा कवालेण वा आतोडिज्जमाणस्स वा जाव उवद्दविजमाणस्स वा जाव लोमुक्खणणमायमवि हिंसाकारं दुक्खं भयं पडिसंवेदेमि, इच्चेवं जाण सव्वे पाणा जाव सव्वे सत्ता दण्डेण वा जाव कवालेण वा आतोडिज्जमाणे वा हम्ममाणे वा तजिजमाणे वा तालिज्जमाणे जाव उवद्दविजमाणे वा जाव लोमुक्खणणमायमवि हिंसाकारं दुक्खं भयं पडिसंवेदेन्ति । एवं नच्चा सव्वे पाणा जाव सव्वे सत्ता न हन्तव्वा जाव न उद्दवेयव्वा । एस धम्मे धुवे निइए सासए समिच्च लोगं खेयन्नेहिं पवेइए । एवं से भिक्खू विरए पाणाइवायाओ जाव मिच्छादसणसल्लाओ। से भिक्खू नो दन्तपक्खालणेणं दन्ते पक्खालेजा, नो अक्षणं नो वमणं नो धूवणित्तं पि आइए । से भिक्खू अकिरिए अल्सए अकोहे जाव अलोभे उवसन्ते परिनिव्वुडे । एस खलु भगवया अक्खाए संजयविरयपडिहयपच्चक्खायपावकम्मे अकिरिए संचुडे एगन्तपण्डिए भवइ त्ति बेमि ॥५॥ ७१०॥ पञ्चक्खाणकिरियज्झयणं चउत्थं॥
आयारसुयज्झयणे पञ्चमे आदाय बम्भचेरं च आसुपन्ने इमं वइं । अस्सि धम्मे अणायारं नायरेज कयाइ वि ॥ १ ॥ ७११ ॥ अणाईयं परिन्नाय अणवदग्गे त्ति वा पुणो। सासयमसासए वा इइ दिहिं न धारए ॥ २ ॥ ७१२ ॥ एएहिं दोहिं ठाणेहिं ववहारो न विजई । एएहिं दोहि ठाणेहि अणायारं तु जाणए ॥ ३ ॥ ७१३ ॥ समुच्छिहिन्ति सत्यारो सव्वे पाणा अणेलिसा। गण्ठिगा वा भविस्सन्ति सासयं ति व नो वएं ॥ ४ ॥ ॥ ७१४ ॥ एएहिं दोहि ठाणेहिं ववहारो न विजई । एएहिं दोहि ठाणेहि अणायारं तु जाणए ॥ ५॥ ७१५ ॥ जे केइ खुद्दगा पाणा अदुवा सन्ति महालया। सरिसं तेहि वेर ति असरिसं ति य नो वएं ॥ ६॥ ७१६ ॥ एएहिं दोहि ठाणेहिं ववहारो न विजई । एएहिं दोहि ठाणेहिं अणायारं तु जाणए ॥ ७॥ ७१७ ॥ अहाकम्माणि भुञ्जन्ति, अन्नमन्ने सकम्मुणा । उवलित्ते त्ति जाणिज्जा अणुवलित्ते त्ति वा पुणो ॥ ८ ॥ ७१८ ॥ एएहिं दोहि ठाणेहिं ववहारो न विजई। एएहिं दोहि ठाणेहिं अणायारं तु जाणए ॥ ९ ॥ ७१९ ॥ जमिदं ओरालमाहारं कम्मगं च तहेव य । सव्वत्थ वीरियं अत्यि नत्थि सव्वत्थ वीरियं ॥१०॥७२० ।-एएहिं दोहि ठाणेहिं ववहारो न विजई । एएहिं दोहि ठाणेहि अणायारं तु जाणए ॥ ११॥ ७२१ ॥