________________
१६२
सुत्तागमे
[ सूयगड उद्गाणं सिणेहमाहारेन्ति । ते जीवा आहारेन्ति पुढविसरीरं जाव सन्तं । अवरे वि य णं तेसि उदगजोणियाणं रुक्खाणं सरीरा नाणावण्णा जाव मक्खायं । जहा पुढविजोणियाणं रुक्खाणं चत्तारि गमा अज्झारुहाण वि तहेव, तणाणं ओसहीणं हरियागं चत्तारि आलावगा भाणियव्वा एकेके, अहावरं पुरक्खायं इहेगइया सत्ता उदगजोणिया उदगसम्भवा जाव कम्मनियाणेणं तत्थवुक्कमा नाणाविहजोणिएसु उदएस उदगत्ताए अवगत्ताए पणगत्ताए सेवालत्ताए कलम्बुगत्ताए हडत्ताए कसेरुगत्ताए कच्छभाणियत्ताए उप्पलत्ताए पउमत्ताए कुमुयत्ताए नलिणत्ताए सुभगत्ताए सोगन्धियत्ताए पोण्डरीयमहापोण्डरीयत्ताए सयपत्तत्ताए सहस्सपत्तत्ताए एवं कल्हारकोकणयत्ताए अरविन्दत्ताए तामरसत्ताए भिसभिसमुणालपुक्खलत्ताए पुक्खलच्छिभगत्ताए विट्टन्ति । ते जीवा तेसि नाणाविहजोणियाणं उदगाणं सिणेहमाहारेन्ति । ते जीवा आहारेन्ति पुढवीसरीरं जाव सन्तं । अवरे वि य णं तेसिं उदगजोणियाणं उदगाणं जाव पुक्खलच्छिभगाणं सरीरा नाणावण्णा जाव मक्खायं । एगो चेव आलावगो ॥ ११ ॥ ६९० ॥ अहावरं पुरक्खायं इहेगइया सत्ता तेसि चेव पुढवीजोणिएहिं रुक्खेहि रुक्खजोणिएहिं रुक्खेहि रुक्खजोणिएहिं मूलेहिं जाव बीएहिं, रुक्खजोणिएहि अज्झारोहेहिं अज्झारोहजोणिएहिं अज्झारोहेहिं अज्झारोहजोणिएहिं मूलेहि जाव वीएहिं, पुढविजोणिएहि तणेहिं तणजोणिएहिं तणेहि तणजोणिएहिं मूलेहिं जाव बीएहिं । एवं ओसहीहि वि तिणि आलावगा एवं हरिएहि वि तिगि आलावगा । पुढविजोणिएहि वि आएहिं काएहिं जाव कुरेहिं उदगजोणिएहि स्क्खेहिं रुक्खजोणिएहिं रुक्खेहिं रुक्खजोणिएहिं मूलेहिं जाव बीएहिं एवं अज्झारोहेहि वि तिण्णि । तणेहिं पि तिण्णि आलावंगा । ओसहीहिं पि तिण्णि, हरिएहिं पि तिण्णि, उदगजोणिएहिं, उदएहिं अवएहिं जाव पुक्खलच्छिभएहिं तसपाणत्ताए विउट्टन्ति ॥ ते जीवा तेसिं पुढवीजोणियाणं उदगजोणियाणं स्क्खजोणियाणं अज्झारोहजोणियाणं तणजोणियाणं ओसही जोणियाणं हरियजोणियाणं स्क्खाणं अज्यारोहाणं तणाणं ओसहीणं हरियाणं मूलाणं जाव बीयाणं आयाणं कायागं जाव कुरवागं [कुराणं] उदगाणं अवगाणं जाव पुक्खलच्छिभगाणं सिणेहमाहारेन्ति । ते जीवा आहारेन्ति पुढवीसरीरं जाव सन्तं। अवरे वि य णं तेसि रुक्खजोणियाणं अज्झारोहजोणियाणं तणजोणियाणं ओसहिजोणियाणं हरियजोणियाणं मूलजोणियाणं कन्दजोणियाणं जाव बीयजोणियाणं आयजोणियागं कायजोणियाणं जाव कूरजोणियाणं उदगजोणियाणं अवगजोणियाणं जाव पुक्खलच्छिभगजोणियाणं तसपाणाणं सरीरा नाणावण्णा जाव मक्खायं ॥ १२ ॥ ६९१ ॥ अहावरं पुरक्खायं नाणाविहाणं मणुस्साणं । तं जहा- कम्मभूम
