________________
२ सु० म०२]
सुत्तागमे गोवालभावं पडिसंधाय तमेव गोवालं वा परिजविय परिजविय हन्ता जाव उवक्खाइत्ता भवइ । से एगइओ सोवणियभावं पडिसंधाय तमेव सुणगं वा अन्नयरं चां तसं पाणं हन्ता जाव उवक्खाइत्ता भवइ । से एगइओ सोवणियन्तियभावं पडिसंधाय तमेव मणुस्सं वा अन्नयरं वा तसं पाणं हन्ता जाव आहारं आहारेइ इति से महया पावेहिं कम्मेहि अत्ताणं उवक्खाइत्ता भवइ ॥ १६ ॥ ६६६ ॥ से एगइओ परिसामज्झाओं उद्वित्ता अहमेयं हणामि त्ति कछु तित्तिरं वा वट्टगं वा लावगं वा कवोयगं वा कविञ्जलं वा अन्नयरं वा तसं वा पाणं हन्ता जाव उवक्खाइत्ता भवइ । से एगइओ केणइ आयाणेणं विरुद्ध समाणे अदुवा खलदाणेणं अदुवा सुराथालएणं गाहावईण वा गाहावइपुत्ताण वा सयमेव अगणिकाएणं सस्साइं झामेइ अनेण वि अगणिकाएंणं सस्साई झामावेइ अगणिकाएणं सस्साई झामन्तं पि अन्नं समणुजाणइ, इति से महया पावकम्मेहिं अत्ताणं उवक्खाइत्ता भवइ । से एगइओ केणइ आयाणेणं विरुद्ध समाणे अदुवा खलदाणेणं अदुवा सुराथालएणं गाहावईण वा गाहावइपुत्ताण वा उट्टाण वा गोणाण वा घोडगाण वा गद्दभाण वा सयमेव धूराओ कप्पेइ अन्नेण वि कप्पावेइ कप्पन्तं पि. अन्नं समणुजाणइ, इति से महया जाव भवइ । से एगइओ केणइ आयाणेणं विरुद्ध समाणे अदुवा खलदाणेणं अदुवा सुराथालएणं गाहावईण वा गाहावइपुत्ताण वा उट्टसालाओ वा गोणसालाओ वा घोडगसालाओ वा गद्दभसालाओ वा कण्टकवोंदियाए पडिपेहित्ता सयमेव अगणिकाएणं झामेइ अन्नेण वि झामावेइ झामन्तं पि अन्नं समगुंजाणइ, इति से महया जाव भवइ । से एगइओ केणइ आयाणेणं विरुद्ध समाणे अदुवा खलदाणेणं अदुवा सुरीथालएणं गाहावईण वां गाहावइपुत्ताण वा कुण्डलं 'वा मणिं वा मोत्तियं वा सयमेव अवहरइ अनेण वि.अवहरावेई अवहरन्तं पि अन्नं समणुजाणइ इति से महया जाव भवइ ॥ से एगइओ केणइ वि आयाणेगं विरुद्धे समाणे अदुवा खलदाणेणं अदुवा सुराथालएणे समणाण वा माहणाण वा छत्तगं वा दण्डगं वा भण्डगं वा मत्तगं वा लहिँ वा भिसिगं वा चेलगं वा चिलिमिलिगं वा चम्मयं वा छेयणगं वा चम्मकोसियं वा सयमेव अवहरइजाव समणुजाणइ, इति से महया जाव उवक्खाइत्ता भवइ ॥ से एगइओ नो वितिगिञ्छइ । तं जहा-गाहावईण वा गाहावइपुत्ताण वा सयमेव अगणिकाएणं ओसहीओ झामेइ जावं अन्न पि झामन्तं समणुजाणइ, इति से महया जाव उवक्खाइत्ता भवइ । से एगइओ नो वितिगिन्छई, तं जहा-गाहावईण वा गाहावइपुत्ताण वा उट्टाण वा गोणाण वा घोडगाण वा गद्दभाण वा सयमेव घूराओ कप्पेइ अन्नेण वि कप्पावेइ अन्न पि कप्पन्तं समणुजाणइ । से एगईओ
