________________
१२३०
सुत्तागमे
[पाहावागरंग असंविभागी असंगहरुती तवतेणे य वइतेणे य रूवतेणे य आयारे चेव भावतेणे य सद्दकरे अझकरे कलहकरे वेरकरे विकहकरे असमाहिकरे सया अप्पमाणभोती सततं अणुवद्धवेरे य निचरोसी से तारिसए नाराहए वयमिणं, अह केरिसए पुणाई आराहए वयमिण ?, जे से उवहिभत्तपाणसंगहणदाणकुसले अचंतवालदुब्बलगिलाणबुडखमके पवत्तिआयरियउवज्झाए सेहे साहम्मिके तवस्सीकुलगणसंघट्टे य निज्जरही वेयावचं अणिस्सियं दसविहं वहुविहं करेति, न य अचियत्तस्स गिहं पविसइ न य अचियत्तस्स गेण्हइ भत्तपाणं न य अचियत्तस्स सेवइ पीढफलगतेज्जासंधारगवत्थपायकंवलरयहरणनिसेजचोलपट्ट्यमुहपोत्तियपायपुंछणाइभायणभंडोवहिउवगरणं न य परिवायं परस्स जंपति न यावि दोसे पररस गेहति परववएसेणवि न किंचि गेहति न य विपरिणामेति कं(क)चि जगं न यावि णासेति दिन्नसुक्यं दाऊण य [काऊण य] न होइ पच्छाताविए सं-वि-भागसीले संगहोवग्गहसले से तारिसते आराहते वयमिणं, इमंच परदव्वहरणवेरमगपरिरक्षणठ्ठयाए पावयगं भगवया सुकहितं अत्तहितं पेचाभावितं आगमेसिभइंसुद्धं नेयाज्यं अकुडिलं अगुत्तरं सवढुक्तपावाण विओ[व]समणं, तस्स इमा पंच भावणातो ततियस्स (वयस्स) होति परदबहरणवेरमणपरिरक्खणट्टयाए, पढमं देवकुलसभप्पवावसहरुक्खमूलआरामकंदागरगिरिगुहाक्रम्मउज्जाणजाणसालाकुवितसालामंडवसुन्नघरनुसाणलेगआवणे अन्नंमि य एवमादियंसि दगमटियवीजहरिततसपाणअसंसत्ते अहाकडे फामुए विवित्ते पसत्ये उवस्सए होइ विहरियव्वं, आहाकम्मबहुले य जे से आसितसंमजिउस्सित्तसोहियछायणदूमणलिंपणअणुलिंपणजलणभंडचालणे]ण अंतो वहिं च असंजमो जल्य वहाती संजयाण अट्ठा वज्जेयबोहुउवस्सओ से तारिसए सुत्तपडिकुटे, एवं विवित्तचासवसहिसमिइजोगेण भावितो भवति अंतरप्पा निचं अहिकरणकरणकारावणपावक्रम्मविरतो दत्तमणुनायओग्गहरुती । वितीयं आरामुजाणकाणणवणेप्पदेसभागे जं किचि इकडं व कठिणगं च जंतुगं च परामेरकुन्चकुसडव्भपलालमूयगवछयतणकट्ठसकरादी गेण्हइ सेज्जोबहिस्स अट्ठा न कप्पए उग्गहे अदिन्नंमि गेहि(गिण्हे) जे हणि हणि उग्गहं अणुन्नविय गेव्हियन्वं एवं उग्गहसमितिजोगेण भावितो भवति अंतरप्पा निचं अहिकरणकरणकारावणपावक्रम्मविरते दत्तमणुन्नायओग्गहरुती । ततीयं जस्सेव उवस्सते वसेज सेजं तत्येव गवेसेजा न निवायपवायउस्नुगत्तं न उंसमसगेसु -खुभियव् एवं, संजमवहुले संवरवहुले संबुडवहुले समाहिबहुले धीरे -काएण फासयंतो सययं अज्झप्पज्झाणजुत्ते समिएं एगे चरेज धम्मं, एवं सेजासमितिजोगेण भावितो भवति-अंतरप्पा निच्चं अहिकरणकरणकारावणपावकम्मविरते
