Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1274

१२२२ सुत्तागमे :
[पण्हावागरण पुण परिग्गहं ममायति लोभवत्था भवणवरविमाणवासिणो परिग्गहरुती परिग्गहे विविहकरणबुद्धी देवनिकाया य असुरभुयगगस्लविजु]जलणदीवउदहिदिसिपवणथणियअणवंनियपणवनियइतिवातियभूतवाइयक्रंदियमहाकंदियकुहंडपतंगदेवा पिसायभूयजक्खरक्खसकिनरकिंपुरिसमहोरगर्गधन्वा य तिरियवासी पंचविहा जोइसिया य देवा वहस्सतीचंदसूरसंकसनिच्छरा राहुधूमकेउवुधा य अंगारका य तत्ततवणिज्जकणयवण्णा जे य गहा जोइसम्मि चारं चरंति केऊ य गतिरतीया अठ्ठावीसतिविहा य नक्खत्तदेवगणा नाणासंठाणसंठियाओ य तारगाओ ठियलेस्सा चारिणो य अविस्साममंडलगती उचरिचरा उडलोगवासी दुविहा वेमाणिया य देवा सोहम्मीसाणसणंकुमारमाहिंदवंभलोगलंतक्रमहासुक्कसहस्सारआणयपाणयारणअच्चुया कप्पवरविमाणवात्तिणो सुरंगणा गेवेजा अणुत्तरा दुविहा कप्पातीया विमाणवासी महिड्डिका उत्तमा तुरवरा एवं च ते चउन्विहा सपरिसावि देवा ममायंति भवणवाहणजाणविमाणसयणासणाणि य नाणाविहवत्यभूसणा-णि य-पवरपहरणाणि य नाणामणिपंचवन्नदिव्वं च भायणविहिं नाणाविहकामत्वे वेउचितअच्छरगणसंघाते दीवसमुद्दे दिसाओ विदिसाओ वणसंडे पवते य गामनगराणि य आरामुजाणकाणणाणि य कूवसरतलागवाविदीहियदेवकुलसभप्पववसहिमाझ्याई वहुकाई कित्तणाणि य परिगेम्हित्ता परिग्गहं विपुलदव्वसारं देवावि सइंदगा न तित्तिं न तुहिँ उवलभति अचंतविपुललोभाभिभूति]यास[त्ता]ना वासहरइक्खुगारवपव्वयकुंडलरुचगवरमाणुसोत्तरकालोदधिलवणसलिलदहपतिरतिकरसंजणकसेलदहिमुहऽवपातुप्पायकंचणकचित्तविचित्तजमकवरसिहरकूडवासी वक्तारअकम्मभूमिसु नुविभत्तभागदेसासु कम्मभूमिसु, जेऽवि-य नरा चाउरंतचकवट्टी वासुदेवा वलदेवा मंडलीया इस्सरा तलवरा सेणावती इब्मा सेट्ठी रहिया पुरोहिया कुमारा दंडणायगा माविया सत्यवाहा कोडंविया अमचा एए अन्ने य एवमाती परिग्गहं संचिणंति अणंतं असरणं दुरंतं अधुवमणिचं असासयं पावकम्मनेम्म अवकिरियव्वं विणासमूलं वहवंधपरिकिलेसबहुलं अणंतसंकिलेसकारणं, ते तं धणकणगरयणनिचयं पिंडिता चेव लोभघत्या संसारं अतिवयंति सबढुक्खसंनिलयणं, परिग्गहर्स स]सेव य अट्ठाए सिप्पसयं सिक्खए वहुजणो कलाओ य वावत्तरि सुनिपुणाओ लेहाइयाओ सउणल्यावसाणाओ-गणियप्पहाणाओ-च उसद्धिं च महिलागुणे रतिजणणे सिप्पसेवं अतिमसिकिसिवाणिज्ज ववहारं अत्यसत्य(इसोईसत्यच्छरुप्प(वा)गयं विविहाओ य जोगमुंजणाओ अन्नेसु एवमादिएसु वहूसु कारणसएसु जावजीवं नडिजए संचिणंति मुंदबुद्धी परिग्गहस्सेव य अहाए करंति पाणाण वहकरण अलियनियडिसाइसंपओगे