________________
११६६
सुत्तागमे
[अंतगडदसाओ अ(झ)न्भत्थिए० एवं खलु अहं पोलासपुरे नयरे अइमुत्तेगं तं चेव जाव निग्गच्छसि २ त्ता जेणेव ममं अंतियं हव्वमागया से नूणं देवई ! अ(त्थे)ढे समढे ? हंता अत्थि, एवं खलु देवाणुप्पिए ! तेणं कालेणं तेणं समएणं भद्दिलपुरे नयरे नागे नाम गाहावई परिवसइ अड्डे०, तस्स णं नागस्स गाहावइस्स सुलसा-नाम भारिया होत्था, सा सुलसा गाहावइणी वालत्तणे चेव ने(नि)मित्तएणं वागरिया-एस गं दारिया णिंदू भविस्स०, तए णं तीसे तुलसाए गाहावइणीए भत्तिवहुमाणसुस्सूसाए हरिणेगमेसी-देवे आराहिए यावि होत्था, तए णं से हरिणेगमेसी देवे सुलसाए गाहावइणीए अणुकंपण (ठ्ठया)हाए सुलसं गाहावइणिं तुमं च (णं) दो-वि समउउयाओ करेइ, तए णं तुभे दो-वि सममेव गम्भे गिण्हह सममेव गम्भे परिवहह सममेव दारए पयायह, तए णं सा सुलसा गाहावइणी विणिहायमावण्णे दारए पया(इ)यइ, तए णं से हरिणेगमेसी देवे सुलसाए अणुकंपणट्ठाए विणिहायमावण्णए दारए करयलसंपुडेणं गेण्हइ २ त्ता तव अंतियं साहरइ (२) तं-समयं च णं तुमं-पि नवण्हं मासाणं० सुकुमालदारए पसवसि, जे-वि (अ) य णं देवाणुप्पिए ! तव पुत्ता ते-वि य तव अंतियाओ करयलसंपुडेणं गेण्हइ २ त्ता सुलसाए गाहावइणीए अंतिए साहरइ, तं तव चेव णं देव(इ)ई! एए पुत्ता णो चेव सुलसाए गाहावइणीए, तए णं सा देवई देवी अरहओ अरिट्ठणेमिस्स अंतिए एयमढे सोचा निसम्म हटतुट्ठ जाव हियया अरहं अरिठ्ठणेमि वंदइ नमसइ वं० २ त्ता जेणेव ते छ अणगारा तेणेव उवागच्छइ [२ त्ता] ते छप्पि अणगारा वंदइ नमसइ वं० २ त्ता आगयप(ह)हया पप्फुयलोयणा कंचुयपडिक्खित्तया दरियवलयवाहा धाराहयकलंवपुप्फगंपिव समूससियरोमकूवा ते छप्पि अणगारे अणिमिसाए दिट्ठीए पेहमाणी २ सुचिरं निरिक्खइ २ त्ता वंदइ नमसइ वं० २ त्ता जेणेव अ(रि)रहा अरिठ्ठणेमी तेणेव उवागच्छइ २ त्ता अरहं अरिट्ठणेमि तिक्खुत्तो आयाहि(ण)णपयाहिणं करेइ २ त्ता वंदइ नमसइ वं० २ त्ता तमेव धम्मियं जाणं दु(रु)लहइ २ त्ता जेणेव वारवई-नयरी तेणेव उवागच्छइ २ त्ता वारवई नयरिं अणुप्पविसइ २ त्ता जेणेव सए गिहे जेणेव वाहिरिया उवट्ठाणसाला तेणेव उवागच्छइ २ त्ता धम्मियाओ जाणप्पवराओ पच्चोल्हइ २ त्ता जेणेव सए वासघरे जेणेव सए सयणिजे तेणेव उवागच्छइ २ त्ता सयंसि सयणिजंसि निसीयइ, तए णं तीसे देवईए देवीए अयं अभत्थिए ४ समुप्पण्णे-एवं खलु अहं सरिसए जाव नलकु-ब्बरसमाणे सत्त पुत्ते पयाया, नो चेव णं मए एगस्स-वि चालत्तणए समुभूए, एस-वि-य णं कण्हे वासुदेवे छहं छण्हं मासाणं ममं अंतियं पायवंदए हव्वमागच्छइ, तं धण्णाओ णं ताओ अम्माओ जासिं मण्णे णियगकुच्छि
