Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1177

समत्ती]
सुत्तागमे
११२५
सा(गेयनयरे)एए दो-जणीओ पउमे पियरो विजया मायराओ सव्वाओ वि पासस्स अंति(ए)यं पव्वइयाओ सकस्स अग्गमहिसीओ ठिई सत्त पलिओवमाई महाविदेहे वासे अंतं काहिति । नवमो वग्गो समत्तो ॥ १५९ ॥ दसमस्स उक्खेवओ । एवं खलु जंवू! जाव अट्ठ अज्झयणा पत्नत्ता तंजहा-कण्हा य कण्हराई रामा तह रामरक्खिया वसू-या । वसुगुत्ता वसुमित्ता वसुंधरा चेव ईसाणे ॥ १॥ पढमज्झयणस्स उक्खेवओ । एवं खलु जंबू ! तेणं कालेणं तेणं समएणं रायगिहे समोसरणं जाव परिसा पजुवासइ । तेणं कालेणं तेणं समएणं कण्हा देवी ईसाणे कप्पे कण्हवडेंसए विमाणे सभाए सुहम्माए कण्हंसि सीहासणंसि सेसं जहा कालीए एवं अवि अज्झयणा कालीगमएणं ना(णे)यव्वा नवरं पुत्वभ-वो वाणारसीए नयरीए दो-जणीओ रायगिहे नयरे दो-जणीओ सावत्थी(ए)नयरीए दो-जणीओ कोसंवीए नयरीए दो-जणीओ रामे पिया धम्मा माया सव्वाओ वि पासस्स अरहओ अंतिए पव्वइयाओ पुप्फचूलाए अजाए सिस्सि(णी)णियत्ताए ईसाणस्स अग्गम हिसीओ ठिई नवपलिओवमाई महाविदेहे वासे सिज्झिहिंति बुज्झिहिंति मुच्चिहिंति सव्वदुक्खाणं अंतं काहिंति । एवं खलु जंवू । निक्खेव-गो दसमवग्गस्स । दसमो वग्गो समत्तो ॥ १६० ॥ एवं खलु जंवू ! समणेणं भगवया महावीरेणं आइगरेणं तित्थगरेणं सयंसंबुद्धणं पुरिसोत्तमेणं [पुरिससीहेणं] जाव संपत्तेणं धम्मकहाणं अयम? पन्नत्ते । धम्मकहा सुयक्खंधो समत्तो। दसहिं वग्गेहिं नायाधम्मकहाओ समत्ताओ ॥ १६१ ॥ बीओ सुयक्खंधो समत्तो ॥ नायाधम्मकहाओ समत्ताओ॥