Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1171

सु० १ १० अ० १] सुत्तागमे जुण्णा जुण्णकुमारी पडियपुयत्थणी निव्वि-प्रणवरा वरपरिवज्जिया वि होत्था। तेणं कालेणं तेणं समएणं पासे अरहा पुरिसादाणीए आइगरे जहा वद्धमाणसामी नवरं नवहत्थुस्सेहे सोलसहि समणसाहस्सीहिं अकृत्तीसाए अज्जियासाहस्सीहिं सद्धि संपरिबुडे जाव अंबसालवणे समोसढे । परिसा निग्गया जाव पजुवासइ । तए ण सा काली दारिया इमीसे कहाए लट्ठा समाणा हट्ट जाव हिंयया जेणेव अम्मापियरो तेणेव उवागच्छइ २ त्ता करयल जाव एवं वयासी-एवं खलु अम्मयाओ! पासे अरहा पुरिसादाणीए आइगरे जाव विहरइ, तं इच्छामि णं अम्मयाओ। तुब्मेहिं अब्भणुन्नाया समाणी पासस्स [f] अरहओ पुरिसादाणीयस्स पायवंदिया गमित्तए । अहासुहं देवाणुप्पिया। मा पडिबंधं करेहि । तए णं सा का (लिया)ली दारिया अम्मापिईहिं अब्भणुन्नाया समाणी हट्ठ जाव हियया व्हाया सुद्धप्(प)पावेसाई मंगलाई वत्थाई पवर परिहिया अप्पमहग्घाभरणालं कियसरीरा चेडियाचक्कवालपरिकिण्णा साओ गिहाओ पडि-निक्खमइ २ त्ता जेणेव वाहिरिया उवट्ठाणसाला जेणेव धम्मिए जाणप्पवरे तेणेव उवागच्छइ २ त्ता धम्मियं जाणपवरं दुरूढा । तए णं सा काली दारिया धम्मियं जाण[पवरं एवं जहा दोवई (जाव) तहा पज्जुवासइ । तए णं पासे अरहा पुरिसादाणीए कालीए दारियाए तीसे य महइमहा(ल)लियाए परिसाए धम्मं कहेइ । तए णं सा काली दारिया पासस्स अरहओ पुरिसादाणीयस्स अंतिए धम्मं सोचा निसम्म हह जाव हियया पासं अरहं पुरिसादाणीयं तिक्खुत्तो वंदइ नमंसइ वं० २ त्ता एवं वयासी-सदहामि णं भंते ! निग्गंथं पावयणं जाव से जहेयं तुन्भे वयह जं नवरं देवाणुप्पिया! अम्मापियरो आपुच्छामि तए णं अहं देवाणुप्पियाणं अंतिए जाव पव्वयामि । अहासुहं देवाणुप्पिए ! । तए णं सा काली दारिया पासेणं अरहया पुरिसादाणीएणं एवं वुत्ता समाणी हट्ठ जाव हियया पासं अरहं वंदइ नमसइ वं० २ ता तमेव धम्मियं जाणप्पवरं दु-रूहइ २ ता पासस्स अरहओ पुरिसादाणीयस्स अंतियाओ अंबसालवणाओ उजाणाओ पडि-निक्खमइ २ त्ता जेणेव आमलकप्पा नयरी तेणेव उवागच्छइ २ त्ता आमलकप्पं नयरिं मज्झमज्झेणं जेणेव बाहिरिया उवट्ठाणसाला तेणेव उवागच्छइ २ त्ता धम्मियं जाण -पवरं ठवेइ २ त्ता धम्मियाओ जाणप्पवराओ पचोरुहइ २ त्ता जेणेव अम्मापियरो तेणेव उवागच्छइ २ त्ता करयल[परिग्गहियं] जाव एवं वयासी-एवं खलु अम्मयाओ ! मए पासस्स अरहओ अंतिए धम्मे निसंते, से वि य धम्मे इच्छिए पडिच्छिए अभिरुइए, तए णं अहं अम्मयाओ! संसारभउन्विग्गा भीया जम्मणमरणाणं इच्छामि णं तुब्भेहिं अब्भणुन्नाया समाणी पासस्स अरहओ अंतिए मुंडा भवित्ता आ-गा.