Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1121

सु० १ १०१५]
सुत्तागमे देवाणुप्पिया! मम सत्यनिवेसंसि महया [२] सद्देणं उग्घोसेमाणा २ एवं वयह-एए गं देवाणुपिया! ते नंदिफला [रुक्खा] किण्हा जाव मणुन्ना, छायाए । तं जो णं देवाणुप्पिया! एएसि नंदिफलाणं रुक्खाणं मूलाणि वा कंद(०)पुप्फतयापत्तफलाणि जाव अकाले चेव जीवियाओ ववरोवेइ। तं मा णं तुम्भे जाव (दूरं दूरेणं परिहर• माणा) वीसमह मा णं अकाले [चेच] जीवियाओ ववरोविस्संति अन्नेसि रुक्खाणं मूलाणि य जाव वीसमह-त्तिक घोसणं [जाव] पञ्चप्पिणंति । तत्थ णं अत्थेगइया पुरिसा धणस्स सत्थवाहस्स एयमद्वं सद्दहति जाव रोयंति एयमद्वं सद्दहमाणा तेसिं नंदिफलाणं दूरंदूरेणं परिहरमाणा २ अन्नेसिं रुक्खाणं मूलाणि य जाव वीसमंति । तेसि णं आवाए नो भद्दए भवइ तओ पच्छा परिणममाणा २ सु(ह)भरूवत्ताए ५ . भुजो २ परिणमंति । एवामेव समणाउसो! जो अम्हं निग्गंथो वा २ जाव पंचसु कामगुणेसु नो स(ज)ज्जइ (नो रजेइ) से णं इहभवे चेव वहूर्ण समणाणं ४ अच्चणिज्ने परलोए नो आगच्छइ, जाव वीईवइस्सइ। तत्थ णं (जे से) अप्पेगइया पुरिसा धणस्स एयमद्वं नो सद्दहति ३ घणस्स एयमढें असदहमाणा ३ जेणेव ते नंदिफला तेणेव उवागच्छंति २ ता तेसिं नंदिफलाणं मूलाणि य जाव वीसमंति तेसि णं आवाए भद्दए भवइ तओ पच्छा परिणममाणा जाव ववरोति। एवामेव समणाउसो | जो अम्हं निग्गंथो वा २ पव्वइए पंचसु कामगुणेसु सज्जइ जाव अणुपरियहिस्सइ जहा व ते पुरिसा । तए णं से धणे सगडीसागडं जोयावेइ २ त्ता जेणेव अहिच्छत्ता नयरी तेणेव उवागच्छइ २ त्ता अहिच्छत्ताए नयरीए बहिया अरगुजाणे सत्यनिवेसं करेइ २ त्ता सगडीसागडं मोयावेइ । तए णं से धणे सत्थवाहे महत्यं ३ रायारिहं पाहुडं गेण्हइ २ त्ता बहुपुरिसेहिं सद्धिं संपरिबुडे अहिच्छत्तं नय(रं)रि मज्झमज्झेणं अणुप्पविसइ २ ता जेणेव कणगकेऊ राया तेणेव उवागच्छइ २ त्ता करयल जाव वद्धावेइ २ त्ता तं महत्थं ३ पाहुडं उवणेइ । तए णं से कणगकेऊ राया हद्वतु(ढ०) धणस्स सत्थवाहस्स तं महत्थं (३) जाव पडिच्छइ २ त्ता ध(७)णं सत्थवाहं सकारेइ सम्माणेइ स० २ त्ता उस्सुकं वियरइ २ त्ता पडिविसज्जेइ [२] भंडविणिमयं करेइ २ त्ता पडिभंडं गेण्हइ २ त्ता सुहंसुहेणं जेणेव चंपा नयरी तेणेव उवागच्छइ २ त्ता मित्तनाइअभिसमन्नागए विपुलाई माणुस्सगाई जाव विहरइ । तेणं कालेणं तेणं समएणं थेरागमणं ध० धम्मं सोचा जेट्टपुत्तं कुटुंबे ठावेत्ता [जाव] पव्वइए सामा[इयमा]इयाइं एकारस अंगाइं वहणि वासाणि जाव मासियाए (सं०) जाव अन्नयरेसु देवलोएसु देवत्ताए उववन्ने (से णं देवे ताओ देवलोगाओ आउक्ख० चयं चइत्ता) महाविदेहे वासे सिज्झिहिइ जाव अंतं करेहिइ.।