Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1116

१०६४
सुत्तागसे
[णायाधम्मकहामओ
रायाभिमए कणगरहस्स रनो कणगञ्जए नाम कुन
महया २ रायाभिसेएणं अभिसिंचामो । तए णं तेयलिपुत्ते तेसिं ईसर जाव एयमढे पडिसुणेइ २ त्ता कणगज्झयं कुमारं व्हायं सव्वालंकारविभूतियं सस्सिरीयं करेइ २ त्ता तेसिं ईसर जाव उवणेइ २ त्ता एवं वयासी-एस णं देवाणुप्पिया! कणगरहस्स रन्नो पुत्ते पउमावईए देवीए अत्तए कणगज्झए नाम कुमारे अभिसेयारिहे रायलक्खणसंपन्ने मए कणगरहस्स रन्नो रहस्सिययं संवदिए, एयं णं तुम्भे महया २ रायाभिसेएणं अभिसिंचह । सव्वं च तेसिं उहाणपरियावणियं परिकहेइ । तए णं ते ईसर जाव कणगज्झयं कुमारं महया (२) रायाभिसेएणं अभिसिंचंति । तए णं से कणगज्झए कुमारे राया जाए महयाहिमवंत(मलय) वण्णओ जाव रज पसा(से)हेमाणे विहरइ । तए णं सा पउमावई देवी कणगज्झयं रायं सहावेइ २ त्ता एवं वयासी-एस णं पुत्ता ! तव रज्जे जाव अंतेउरे य तुमं च तेयलिपुत्तस्स [अमचस्स] प(हा)भावेणं, तं तुम णं तेयलिपुत्तं अमचं आढाहि परिजाणाहि सकारेहि सम्माणेहि इंतं अब्भुढेहि ठियं पजुवासाहि वचंतं पडिसंसाहेहि अद्धासणेणं उवणिमंतेहि भोगं च से अणुवड्देहि । तए णं से कणगज्झए पउमावईए (देवीए) तहत्ति [वयणं] पडिसुणेइ जाव भोगं च से [सं]वड्ढेइ ॥ १०७॥ तए णं से पोट्टिले देवे तेयलिपुत्तं अभिक्खणं २ केवलिपन्नत्ते धम्मे संवोहेइ नो चेव णं से तेयलिपुत्ते संबुज्झइ । तए णं तस्स पोटिलदेवस्स इमेयारूवे अज्झथिए०-एवं खलु कणगज्झए राया तेयलिपुत्तं आढाइ जाव भोगं च संवड्डेइ । तए णं से तेय(ली)लिपत्ते अभिक्खणं २ संबोहिजमाणे वि धम्मे नो संवुज्झइ । तं सेयं खलु कणगज्मयं तेयलिपुत्ताओ विप्परिणा(मे)मित्तए-त्तिकटु एवं संपेहेइ २ त्ता कणगज्झयं तेयलिपुत्ताओ विप्परिणामेइ । तए णं तेयलिपुत्ते कल्लं ण्हाए आसखंधवरगए वहहिं पुरिसेहि [सद्धिं] संपरिवुडे सयाओ गिहाओ निग्गच्छइ २ त्ता जेणेव कणगज्झए राया तेणेव पहारेत्थ गमणाए। तए णं तेयलिपुत्तं अमचं जे जहा वहवे राईसरतलवर जाव पभियओ पासंति ते तहेव आढायंति परि(जा)याणंति अव्भुढेति २ त्ता अंजलिपरिग्गहं करेंति इटाहिं कंताहिं जाव वग्गूहि आल(वे)वमाणा य संलवमाणा य पुरओ य पिट्ठओ य पासओ य मग्गओ य समणुगच्छंति । तए णं से तेयलिपत्ते जेणेव कणगज्झए तेणेव उवागच्छइ । तए णं [से] कणंगज्झए तेयलिपुत्तं एजमाणं पासइ २त्ता नो आढाइ नो परियाणाइ नो अब्भुढेइ अणाढायमाणे ३ परम्मुहे संचिठ्ठइ । तए णं से] तेयलिपुत्ते कणगज्मयस्स रन्नो अंजलिं करेइ । तए णं से कणगज्झए राया अणाढायमाणे तुसिणीए परम्मुहे संचिठ्ठइ । तए णं तेवलिपुत्ते कणगज्झयं [रायं] विप्परिणयं जाणित्ता भीए जाव संजायभए एवं वयासी-रुट्टे