Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1113

सु० १ अ०१४]
सुत्तागमे
१०६१ खलु देवाणुप्पि(या)ए! कणगरहे राया रजे य जाव वियंगेइ । अयं च ण दारए कणगरहस्स पुत्ते पउमावईए अत्तए। (तेणं) तन्नं तुम देवाणुप्पिए ! इमं दारगं कणगरहस्स रहस्सिययं चेव अणुपुश्वेणं सारक्खाहि य संगोवेहि य संवदेहि य । तए णं एस दारए उमुक्कबालभावे तव य मम य पउमावईए य आहारे भविस्सइत्तिकट्ट पोटिलाए पासे निक्खिवइ [२] पोट्टिला(ओ)ए पासाओ तं विणिहायमावनियं दारियं गेण्हइ २ ता उत्तरिजेणं पिहेइ २ त्ता अंतेउरस्स अवदारेणं अणुप्प. विसइ २ त्ता जेणेव पउमावई देवी तेणेव उवागच्छइ २ त्ता पउमावईए देवीए पासे ठावेइ (०) जाव पडिनिग्गए । तए णं तीसे पउमावईए अंगपडियारियाओ पउमावई देविं विणिहायमावन्नियं (च) दारियं पयायं पासंति २ त्ता जेणेव कणगरहे राया तेणेव उवागच्छंति २ त्ता करयल जाव एवं वयासी-एवं खलु सामी। पउमावई देवी म(इ)एल्लियं दारियं पयाया। तए णं कणगरहे राया तीसे मएलियाए दारियाए [महया] नीहरणं करेइ वहू(णि)ई लो(इ)गियाइं मयकिच्चाई करेइ 17 कालेणं विगयसोए जाए । तए णं से तेयलिपुत्ते क(ले)लं कोडंबियपुरिसे सद्दावेइ २ त्ता एवं वयासी-खिप्पामेव चारगसोहणं जाव ठिइपडियं जम्हा णं अम्हं एस दारए कणगरहस्स रजे जाए तं होउ णं दारए नामेणं कणगज्झए जाव अलंभोगसमत्थे जाए ॥ १०३ ॥ तए णं सा पोट्टिला अन्नया कयाइ तेयलिपुत्तस्स अणिट्ठा ५ जाया यावि होत्था नेच्छइ (य) णं तेयलिपुत्ते पोट्टिलाए नामगो(त्त)यमवि सवणयाए किपुण दं(दरि)सणं वा परिभोगं वा (2)। तए णं तीसे पोटिलाए अन्नया कयाई पुव्वरत्तावरत्तकालसमयंसि इमेयारूवे अज्झथिए ४ जाव समुप्पज्जित्था-एवं खलु अहं तेयलिस्स पुचि इट्ठा ५ आसि इयाणि अणिट्ठा ५ जाया । नेच्छइ णं तेयलिपुत्ते मम नामं जाव परिभोगं वा ओहयमणसंकप्पा जाव झियायइ । तए णं तेयलिपुत्ते पोटिलं ओहयमणसंक्रप्पं जाव झियायमाणं पासइ २ त्ता एवं वयासी-मा णं तुम देवाणुप्पिए । ओहयमणसंकप्पा जाव झियाहि, तुमं णं मम महाणसंसि विपुलं असणं ४ उवक्खडावेहि २ त्ता बहूणं समणमाहण जाव वणीमगाणं देयमाणी य द(दे)वावेमाणी य विहराहि । तए णं सा पोट्टिला तेयलिपुत्तेणं [अमच्चणं] एवं वुत्ता समा(णा)णी हट्ठ० तेयलिपुत्तस्स एयमढे पडिसुणेइ २ त्ता कल्लाक(लं)ल्लिं महाणससि विपुलं असणं ४ जाव दवावेमाणी विहरइ ॥ १०४ ॥ तेणं कालेणं तेणं समएणं सुव्वयाओ नाम अजाओ इ(ई)रियासमियाओ जाव गुत्तबंभ(या)चारिणीओ वहुस्याओ बहुपरिवाराओ पुव्वाणुपुदिव [चरमाणीओ] जेणामेव तेयलिपुरे नयरे तेणेव उवागच्छंति २ ता अहापडिरूवं उग्गहं ओगिण्हंति २ त्ता संजमे(ण)णं तवसा