________________
सुत्तागमे
[ आयारे
3
॥ ६९८ ॥ अहावरा दोच्चा पडिमा से भिक्खू वा (२) पेहाए संधारगं जाएजा तंजहा - गाहावई वा जाव कम्मकरिं वा पुव्वामेव आलोएजा आउसो त्ति वा भगणित्ति वा दाहिसि मे एतो अण्णयरं संथारगं ?” तहप्पगारं संथारगं सयं वा णं जाएजा परो वा से देज्जा फासूयं एसणिज्जं जाव पडिगाहिजा दोच्चा पडिमा ॥ ६९९ ॥ अहावरा तच्चा पडिमा से भिक्खू वा ( २ ) जस्सुवस्सए संवसेज्जा जे तत्थ अहासमण्णागए तंजहा - इकडेइ वा जाव पलाइवा तस्स लाभे संवसेज्जा तस्स अलाभे उक्कुडए वा निसज्जिए वा विहरेजा तच्चा पडिमा ॥ ७०० ॥ अहावरा चउत्था पडिमा से भिक्खू वा (२) अहा संथडमेव संथारगं जाइज्जा तंजहा - पुढविसिलं कट्ठसिलं वा, अहा संथडमेव तस्स लाभे संते संवसेज्जा, अलाभे उक्कडुए वा निसजिए वा विहरेज्जा, चउत्था पडिमा ॥७०१৷ इच्चेयाणं चउन्हं परिमाणं अण्णयरं पडिमं पडिवज्जमाणे तं चेव जाव अन्नोन्नसमा - हीए एवं चणं विहरति ॥ ७०२ ॥ से भिक्खू वा (२) अभिकंखेजा संथारं पच्चप्पिणित्तए से जं पुण संथारगं जाणिजा सअंडं जाव संताणगं तहप्पगारं संथारगं णो पचप्पिणिजा ॥ ७०३ ॥ से भिक्खू वा ( २ ) अभिकंखेजा संथारगं पचप्पिपित्तए, से जं पुण संथारगं जाणिजा अप्पंडं जाव संताणगं तहप्पगारं संथारगं पडिलेहिय २ पमजिय २ आयाविय २ विधूणिय २ तओ संजयामेव पञ्चप्पिणेजा ॥ ७०४॥ से भिक्खू वा (२) समाणे वा वसमाणे वा गामाणुगामं दूइज्माणे पुव्वामेव णं पण्णस्स उच्चारपासवणभूमिं पडिलेहिजा केवली वूया 'आयाणमेयं' अपडिलेहियाए उच्चारपासवणभूमिए भिक्खु वा भिक्खुणी वा राओ वा वियाले वा उच्चारपासवर्गं परिठ्ठवेमाणे, पयलेज वा पवडेज वा से तत्थ पयलेमाणे पवडमाणे वा हत्थं व' पायं वा जाव लूसिज्जा पाणाणि वा ४ जाव ववरोवेजा, अह भिक्खूर्ण पुव्वोवदिठ्ठा जाव जं पुव्वामेव पण्णस्स उच्चारपासवणभूमि पडिलेहेजा ॥ ७०५ ॥ से भिक्खू वा (२) अभिकखेज्जा सेज्जासंथारगभूमि पडिले हित्तए णण्णत्य आयरिएण वा उवज्झाएण वा जाव गणावच्छेएण वा वालेण वा वुड्ढेण वा सेहेण वा गिलाणेण वा आएसेण वा अंतेण वा मज्झेण वा समेण वा विसमेण वा पवाएण वा णिवाएण वा तओ संजयामेव पडिले हिय २ पमजिय २ तओ संजयामेव बहुफामुयं सिज्जासंथारगं संथरिज्जा ॥ ७०६ ॥ से भिक्खू वा (२) बहुफासुयं सेज्जासंथारगं संथरित्ता अभिकंखेज्जा, बहुफासुए सेज्जासंबारए दुरुहित्तए ॥ ७०७ ॥ से भिक्ष्व् वा (२) बहुफासुए सेज्जासंथारए दुरुहमाणे से पुव्वामेव ससीसोवरियं कार्यं पाए य पमजिय २ तओ संजयामेव बहुफासुए सिज्जासंवारगे दुरुहित्ता तओ संज
५८
