________________
२ सु० अ० २-उ०३] सुत्तागमे गच्छित्ता इयराइयरेहिं पाहुडेहिं वहति अयमाउसो वजकिरिया या वि भवइ ॥६७३॥ इह खलु पाईणं वा पडीणं वा दाहीणं वा उदीणं वा संतेगइया सड्ढा भवंति तेसि च णं आयारगोयरे णो सुणिसंते भवइ, जाव तं रोयमाणेहिं बहवे समण जाव वणीमए पगणिय २ समुद्दिस्स तत्थ २ अगारीहिं अगाराइं चेतिताइं भवंति तंजहाआएसणाणि वा जाव भवणगिहाणि वा जे भयंतारो तहप्पगाराइं आएसणाणि वा जाव भवणगिहाणि वा उवागच्छंति, इयराइयरेहिं पाहुडेहिं वदृति अयमाउसो महावज्जकिरिया या वि भवइ ॥६७४॥ इह खलु पाईणं वा पडीणं दाहिणं वा उदीणं वा संतेगइया सट्टा भवंति जाव तं रोयमाणेहिं वहवे समण० जाव समुद्दिस्स तत्थ तत्थ अगारीहिं अगाराइं चेतिआई भवंति-तंजहा आएसणाणि वा जाव भवणगिहाणि वा जे भयंतारो तहप्पगाराइं आएसणाणि वा जाव भवणगिहाणि वा उवागच्छंति इयराइयरेहिं पाहुडेहिं वटंति, अयमाउसो सावजकिरिया या वि भवइ ॥ ६७५ ॥ इह खलु पाईगं वा जाव उदीणं वा संतेगइया सहा भवंति तंजहागाहावइ वा जाव कम्मकरी वा तेसि च णं आयारगोयरे णो सुणिसंते भवइ जाव तं रोयमाणेहिं एकं समणजायं समुद्दिस्स तत्थ तत्थ अगारीहिं अगाराइं चेतिताइं भवंति, तंजहा आएसणाणि वा जाव भवणगिहाणि वा, महया पुढवीकायसमारंभेणं एवं महया आउ-तेउ-बाउ-वणस्सइ-तसकायसमारंभेणं महया संरंभेणं महया आरं भेणं महया विरूवरूवेहिं पावक्रम्मेहिं तंजहा छायणओ, लेवणओ, संथारदुवारपिहणाओ, सीतोदए वा, परिठवियपुव्वे भवइ, अगणिकाए वा उज्जालियपुव्वे भवइ, जे भयंतारो तहप्पगाराइं आएसणाणि वा जाव भवणगिहाणि वा उवागच्छंति इयराइयरेहिं पाहुडेहिं वÉति दुपक्खं ते कम्मं सेवंति अयमाउसो महासावजकिरिया या वि भवइ ।। ६७६ ॥ इह खलु पाईणं वा जाव तं रोयमाणेहिं अप्पणो सअट्ठाए तत्थ २ अगारीहिं जाव भवणगिहाणि वा, महया पुढविकायसमारंभेणं जाव अगणिकाए वा उजालियपुग्वे भवइ जे भयंतारो तहप्पगाराइं आएसणाणि वा जाव भवणगिहाणि वा उवागच्छंति इयराइयरेहिं पाहुडेहिं वटुंति एगपक्खं ते कम्मं सेवंति अयमाउसो अप्पसावज्जा किरिया या वि भवइ ।। ६७७ ॥ एस खलु तस्स भिक्खुस्स भिक्खुणीए वा सामग्गियं ।। ६७८ ॥ सेजाज्झयणस्स बीओदेसो समत्तो॥ ___ “से य णो सुलमे फासुए उंछे अहेसणिजे णो य खलु सुद्धे इमेहिं पाहुडेहि, तंजहा-छायणओ, लेवणओ संथारदुवारपिहणओ पिडवाएसणाओ से य भिक्खू चरियारए ठाणरए निसीहियारए सेज्जासंथारपिंडवाएसणारए” संति भिक्खुणो एव मक्खाइगो उज्जुया णियागपडिवन्ना अमायं कुव्वमाणा वियाहिया ॥ ६७९ ॥ संते
