Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1020

९६८
सुत्तागमे
[ णायाधम्मकहाओ
तप्पभिईं च णं मम समणा नो आढायंति जाव नो ( परियाणंति) संलवेंति अदुतरं च णं मम समणा निग्गंथा राओ अप्पेगड्या वायणाए जाव पायरवरेणुगुंडियं करेंति, तं सेयं खलु मम कलं पाउप्पभायाए समणं भगवं महावीरं आपुच्छित्ता पुणरवि अगारमज्झे आवसितए -त्तिकट्टु एवं संपेहेसि २ ता अट्टदुहट्टवसट्टमाणसे जाव रयणि खवेसि २ त्ता जेणामेव अहं तेणामेव हव्वमागए, से नूगं मेहा ! एस अट्ठे समट्ठे ? हंता अट्ठे समट्ठे । एवं खलु मेहा ! तुमं इओ तचे अईए भवग्गहणे वेयढगिरिपायमूले वणयरेहिं निव्वत्तियनामधेजे सेए संखदलउजलविमलनिम्मलदहिघणगोखीरफेणरयणि यर (दगरयरययनियर ) प्यासे सत्तुस्सेहे नवायए दस परिणाहे सत्तंगपट्ठिए सोमे समिए सुरुवे पुरओ उदग्गे समूसियसिरे मुहासणे पिट्ठओ वराहे अइयाकुच्छी अच्छिद्दकुच्छी अलंब कुच्छी पलंबलंबोदराहरकरे धणुपागि विसिपुढे अल्लीणपमाणजुनवट्टियपीवरगत्तावरे अलीणपमाणजुत्तपुच्छे पडिपुण्णसुचारुकुम्मचलणे पंडुरसुविसुद्धनिद्धनिरुवहयविंसतिनहे छद्दंते सुमेरुप्पभे नामं हत्थिराया होत्या । तत्थ णं तुमं मेहा । बहूहि हत्थीहि य हत्थिणियाहि य लोट्टएहि य लोट्टियाहि य कलमे हि य कलभियाहि य सद्धिं संपरिवुडे हत्थिसहस्सनायए देसए पागट्टी पट्टवए जूहवई बंदपरियहए अन्नेसि च बहूगं एकलाणं हत्यिकलभाणं आहेवचं जाव विहरसि । तए णं तुमं मेहा ! निचप्पमत्ते सई पललिए कंदप्परई मोहणसीले अवित कामभोगतिसिए बहूहि हन्थीहि य जाव संपरिवुडे वेयगिरिपायमूळे गिरीतु य दरीसु य कुहरेसु य कंदरासु य उज्झरेषु य निज्झरेषु य वियर एसु य गद्दातु य पल्ललेसु य चिल्ललेसु य कडगेसु य कडयपल्ललेसु य तडीसु य विग्रडीतु य टंकेसु य कूडेसु य सिहरेसु य पब्भारेसु य मंचेतु य मालेसु य काणणेसु य वणेसु य वणसंडेसु य वणराईसु य नई य नईकच्छेसु य जूहेसु य संगमेसु य वावीसु य पोक्खरिणीतु य दीहियासु य’गुंजालियासु य सरेसु य सरपंतियासु य सरसरपंतियासु य वणयरेहिं दिन्नवियारे वहूहिं हत्थीहि य जाव सद्धिं संपरिवुडे बहुविहतरुपल्लवपउरपाणियतणे निब्भए निरुव्विग्गे सुहंसुहेणं विहरसि । तए णं तुमं मेहा ! अन्नया कयाइ पाउसवरिसारत्तसरयहेमंतवसंते कमेण पंचसु उऊ समझतेसु गिम्हकालसमयंति जेट्ठामूलमासे पायवघंससमुट्ठिएणं सुक्कतणपत्तकयवरमास्यसंजोगदी विएणं महाभयंकरेणं हुयवहेणं वणदव जालासंपलित्तेसु वर्णते धूमाउलासु दिसासु महावायवगेणं संघट्टिएसु छिन्नजालेसु आवयमाणेसु पोलस्क्खेसु अंनो अंतो झियायमाणेसु मयकुहियवि (णिवि)णट्टकिमियकद्दमनईवियरग (जिण्ण) ज्झीणपाणीयतेसु वर्णतेतु भिंगारकदीणकंदियरवेसु खरफरुसअणिट्टरिट्ठवाहि (त) त्तविद्दुमग्गेसु दुमेसु तण्हावसमुक्कपक्खपयडियजिब्भ