Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1017

सु० १ म०.]
सुत्तागमे चामराओ गहाय सलीलं ओहारेमाणीओ २ चिट्ठति । तए णं तस्स मेहकुमारस्स एगा वरतरुणी सिगारा जाव कुसला सीयं जाव दुरूहइ २. त्ता मेहस्स कुमारस्स पुरओ पुरत्यिमेणं चंदप्पभवइरवेरुलियविमलदंडं ता(लविं)लियंट गहाय चिट्ठइ । तए णं तस्स मेहस्स कुमारस्स एगा वरतरुणी जाव सुरूवा सीयं दुरूहइ २ त्ता मेहस्स कुमारस्स पुव्वदक्खिणेण सेयं रययामयं विमलसलिलपुण्णं मत्तगयमहामुहाकिइसमाणं भिंगारं गहाय चिट्ठइ । तए णं तस्स मेहस्स कुमारस्स पिया कोडुंबियपुरिसे सद्दावेइ २त्ता एवं वयासी-खिप्पामेव भो देवाणुप्पिया ! सरिसयाणं सरि(स)त्तयाणं सरि(स). व्वयाणं एगाभरणगहियनिजोयाणं कोडंवियवरतरुणाणं सहस्सं सद्दावेह जाव सदावेति । तए णं (ते) कोडुवियवरतरुणपुरिसा सेणियस्स रन्नो कोडुवियपुरिसेहिं सद्दाविया समाणा हट्ठा व्हाया एगाभरणगहियणिजोया जेणामेव सेणिए राया तेणामेव उवागच्छंति २ त्ता सेणियं रायं एवं वयासी-संदिसह णं देवाणुप्पिया ! जं णं अम्हे हिं करणिजं । तए णं से सेणिए राया तं कोडंवियवरतरुणसहस्सं एवं वयासी-गच्छह णं (तुन्भे)देवाणुप्पिया! मेहस्स कुमारस्स पुरिससहस्सवाहिणिं सीयं परिव(हे)हह । तए गं तं कोडंबियवरतरुणसहस्सं सेणिएणं रन्ना एवं वुत्तं संतं हडं तुट्ठ तस्स मेहस्स कुमारस्स पुरिससहस्सवाहिणि सीयं परिवहइ। तए णं तस्स मेहस्स कुमारस्स पुरिससहस्सवाहिणिं सीयं दुरूढस्स समाणस्स इमे अट्ठमंगलया तप्पढमयाए पुरओ अहाणुपुवीए संपट्ठिया, तंजहा-सोत्थिय सिरिवच्छ नंदियावन वद्धमाणग भद्दासण कलस मच्छ दप्पण जाव बहवे अत्यत्थिया जाव ताहि इट्ठाहिं जाव अणवरयं अभिनंदंता य अभिथुणता य एवं क्यासी-जय २ नंदा ! जय २ भद्दा ! जयनंदा ! भई ते अजि(य)याई जिणाहि इंदियाई जियं च पालेहि समणधम्म जियविग्घोऽविय वसाहि तं देव ! सिद्धिमज्झे निहणाहि रागदोसमल्ले तवेणं धिइधणियबद्धकच्छे महाहि य अट्ठकम्मसत्तू झाणेणं उत्तमेणं सुक्नेणं अप्पमत्तो पावय वितिमिरमणुत्तरं केवलं नाणं गच्छ य मोक्खं परमं पयं सासयं च अयलं हंता परीसहच(मुं)मूणं अभीओ परीसहोवसग्गाणं धम्मे ते अविग्घ भवउ-त्तिकट्ठ पुणो २ मंगलजयरसई पउंति । तए णं से मेहे कुमारे रायगिहस्स नयरस्स मझमज्झेणं निग्गच्छइ २ त्ता जेणेव गुणसिलए उजाणे तेणेव उवागच्छइ २ त्ता पुरिससहस्सवाहिणीओ सीयाओ पच्चोरुहइ ॥ २९ ॥ तए णं तस्स मेहस्स कुमारस्स अम्मापियरो मेहं कुमारं पुरओ कटु जेणामेव समणे भगवं महावीरे तेणामेव उवागच्छंति २त्ता समणं भगवं महावीरं तिक्खुत्तो आयाहिणं पयाहिण करेंति २ त्ता वंदति नमसंति वं० २ त्ता एवं वयासी-एस ण देवाणुप्पिया ! मेहे कुमारे अम्हं एगे