Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1009

सु० १ ० १] सुत्तागमे
९५७ अजं पहेलियं मागहियं गाहं गीइयं सिलोयं हिरण्णजुत्तिं सुवण्णजुत्तिं चुण्णजुत्तिं आभरणविहि तरुणीपडिकम्मं इत्थिलक्खणं पुरिसलक्खणं हयलक्खणं गयलक्खणं गोणलक्खणं कुकुडलक्खणं छत्तलक्खणं दंडलक्खणं असिलक्खणं मणिलक्खणं का(ग)गि. णिलक्खणं वत्युविज खंधारमाणं नगरमाणं वूह पडिवूहं चार पडिचारं चकवूहं गरुलवूह सगडवूह जुद्ध निजुद्धं जुद्धाइजुद्धं लट्ठिजुद्धं मुट्ठिजुद्धं वाहुजुद्धं लयाजुद्धं ईसत्थं छरुप्पवायं धणुव्वेयं हिरण्णपागं सुवण्णपागं सुत्तखेडं वट्टखेडं नालियाखेडं पत्तच्छेज्ज कड(ग)च्छेनं सज्जीवं निजीव सउणस्यं ति ॥ २०॥ तए णं से कलायरिए मेहं कुमारं लेहाइयाओ गणियप्पहाणाओ सउणज्यपजवसाणाओ वावत्तरि कलाओ सुत्तओ य अत्यओ य करणओ य सेहावेइ सिक्खावेइ सेहावित्ता सिक्खावित्ता अम्मापिऊणं उवणेइ । तए णं मेहस्स कुमारस्स अम्मापियरो तं कलायरियं महुरेहि वयणेहिं विउलेणं वत्थगंधमल्लालंकारेणं सकारेंति सम्माणेति स० २ त्ता विउलं जीवियारिहं पीइदाणं दलयंति २ त्ता पडिविसज्जेति ॥२१॥ तए णं से मेहे कुमारे वावत्तरिकलापंडिए नवंगसुत्तपडिवोहिए अट्ठारसविहिप्पगारदेसीभासाविसारए गी(इरई)यरइयगंधव्वनट्टकुसले हयजोही गयजोही रहजोही वाहुजोही वाहुप्पमद्दी अलंभोगसमत्थे साहसिए वियालचारी जाए यावि होत्था॥२२॥ तएणं तस्स मेहकुमारस्स अम्मापियरो मेहं कुमार वावत्तरिकलापंडियं जाव वियालचारिं जायं पासंति २ त्ता अट्ठ पासायवडिसए का (क)रेति अव्भुग्गयमूसियपहसिए विव मणिकणगरयणभत्तिचित्ते वाउछ्यविजयवेजयंतीपडागाछत्ताइच्छत्तकलिए तुंगे गगणतलमभिलंघमाणसिहरे जालंतर. रयणपंजरुम्मिल्लि(य)एव्व मणिकणगथूभियाए वियसियसयपत्तपुंडरीए तिलयरयणद्ध(य)चंदच्चिए नानामणिमयदामालंकिए अतो वहिं च सण्हे तवणिज्जरुइलवालुयापत्थरे सुहफासे सस्सिरीयरूवे पासाईए जाव पडिस्वे। एगं च णं महं भवणं कारेति अणेगखंभसयसन्निविट्ठ लीलट्ठियसालभंजियागं अब्भुग्गयसुकयवइरवेइयातोरणवररइयसालभंजियासुसिलिट्ठविसिट्ठलट्ठसंठियपसत्यवेरुलियखंभनाणामणिकणगरयणखचियरजलं वहुसमसुविभत्तनिचियरमणिजभूमिभागं ईहामिय जाव भत्तिचित्तं खंभुग्गयवयरवेइयापरिगयाभिरामं विजाहरजमलजुयलजंतजुत्तंपिव अच्चीसहस्समालणीयं रूवगसहस्सकलियं भिसमाणं भिब्भिसमाणं चक्खुल्लोयणलेसं सुहफासं सस्सिरीयरूवं कंच णमणिरयणथूभियागं नाणाविहपंचवण्णघंटापडागपरिमंडियग्गसिहरं धवलमि(म)रीचिकवयं विणिम्मुयंत लाउल्लोइयमहियं जाव गंधवट्टिभूयं पासाईयं दरिसणिज अभिरूवं पडिरूवं ॥ २३ ॥ तए णं तस्स मेहस्स कुमारस्स अम्मापियरो मेहं कुमारं सोहणसि तिहिकरणनक्खत्तमुहुत्तंसि सरिसियाणं सरि(स)व्वयाणं सरि(स)त्तयाणं सरिस