________________
प्राचीनजैनलेखसंग्रह यस्यौदार्ययुता प्रहृष्टसुमना अद्यापि विद्यावती धत्ते संततिरुन्नतिं भगवतो वीरप्रभोर्गोरिव ॥ ३ ॥ श्रीसुस्थितः सुप्रतिबुद्ध एतौ
सूरी अभूतां तदनुक्रमेण । याभ्यां गणोऽभूदिह कोटिकाह
चंद्रार्यमभ्यामिव सुप्रकाशः ॥ ४॥ तत्राभूद्वज्रिणां वंद्यः श्रीवर्षिगणाधिपः ।
मूलं श्रीवज्रशाखाया गंगाया हिमवानिव ॥ ५॥ तत्पट्टांवरदिनमणिरुदितः श्रीवज्रसेनगुरुरासीत् । नागेंद्र-चंद्र-निवृति-विद्याधर-संज्ञकाश्च तच्छिष्याः॥६॥
स्वस्वनामसमानानि येभ्यश्चत्वारि जज्ञिरे । कुलानि काममेतेषु कुलं चान्द्रं तु दिद्युते ॥ ७ ॥ भास्करा इव तिमिरं हरंतः ख्यातिभाजनम् । भूरयः सूर यस्तत्र जज्ञिरे जगतां मताः ।। ८ ।। बभूवुः क्रमतस्तत्र श्रीजगचंद्रसूरयः। यैस्तपाविरुदं लेभे वाणसिद्धयर्क १२८५ वत्सरे ॥९॥ क्रमेणास्मिन् गणे हेमविमलाः सूरयोऽभवन् । तत्पट्टे सूरयो ऽभूवनानंदविमलाभिधाः ॥ १० ॥ साध्वाचारविधिः पथः शिथिलतः सम्यश्रियां धाम यै
रुदभ्रे स्तनसिद्धिसायकसुधारोचिनिभे १५८२ नेहसि । जीमूतैरिव वैर्जगत्पुनरिदं तापं हरद्भिशं संश्रीकं विदधे गवां शुचितमैः स्तोमैः रसोल्लासिभिः ॥११॥ पद्माश्रयैरलमलंक्रियते स्म तेषां
प्रीणन्मनांसि जगतां कमलोदयेन ।
