________________
DN055
SISEOSES
साहाइ तस्स चंदे कुलंमि निप्पडिमपसमकुलभवणं । आसि सिरिजद्धमाणो मुणिनाहो संजमनिहिब ॥ ४८ ॥ बहलकलिकालतमपसरपूरियासेसविसमसमभागो। दीवेणं व मुणीणं पयासिओ जेण मुत्तिपहो ॥ ४९ ॥ मुणिवइणो तस्स हरअट्टहाससियजसपसाहियासस्स । आसि दुवे वर सीसा जयपयडा सूरससिणोध ॥ ५० ॥ भवजलहिवीइसंभंतभवियसंताणतारणसमत्थो । बोहित्थोव महत्थो सिरिसूरिजिणेसरो पढमो ॥ ५१॥ गुरुसाराओ धवलाउ सुविहिया (निम्मला पु.) साहुसंतई जाया।हिमवंताओ गंगव निग्गया सयलजणपुजा ॥५२॥ जन्नो य पुन्निमायंदसुंदरो वुद्धिसागरो सूरी । निम्मवियपगरवागरणछंदसत्थो पसत्थमई ॥ ५३॥ एगंतवायविलसिरपरवाइकुरंगभंगसीहाणं । तेसिं सीसो जिणचंदसरिनामो समुप्पनो ॥ ५४॥ संवेगरंगसाला न केवलं कवविरयणा जेण । भवजणविम्हयकरी विहिया संजमपवित्तीवि ॥ ५५ ॥ ससमयपरसमयन्नू विसुद्धसिद्धंतदेसणाकुसलो । सयलमहिवलयवित्तो अन्नो ऽभयदेवसूरित्ति ॥ ५६ ॥ जेणालंकारधरा सलक्खणा वरपया पसन्ना य । नवंग (सिद्धत पु.)वित्तिरयणेण भारई कामिणिक कथा ॥१७॥ तेसि अस्थि विणेओ समत्थसत्थत्थवोहकुसलमई । सूरी पसन्नचंदो चंदो इव जणमणाणंदो ॥ ५४ ॥ तवयणेणं सिरिसुमइवायगाणं विणेयलेसेण । गणिणा गुणचंदेणं रइयं सिरिवीरचरियमिमं ॥ ५९॥ एयस्स विरयणंमी निबंधो जेसि गाढसुप्पन्नो । ते पुण मूलाओ चिय साहिजंते निसामेह ॥ ६ ॥
-24NEWS
RARIES
