________________
RSS
RSS-5405-061-99552073
तिन्निवि गुणवयाई, पार्लिति य सबजत्तेण। अन्नया य रविमाहणस्स भोयणं कुणमाणस्स उवरिद्वियघरकोइलगेण कओ 8| उच्चारो, पक्खित्तचित्तत्तणो न मुणिओ अणेण, तम्मिसभोयणकरणे य पवडियं से उयरं, खीणाई मंससोणियाई,
तणुईहयाओ वाहाओ, सुक्काओ जंघाओ, सुसियं वयणं, वड्डिया तण्हा, जाओ सावसेसाउओ, दंसिओ य पालएण विजाणं, तेहिवि असल्झोत्तिकाऊण पञ्चक्खाओ एसो, एवं च विसमदसावडियं तं पलोइऊण झूरइ परियणो,ता रोवइ भारिया, बहुप्पयाई विलवइ पालगो, सो य अदीणमाणसो सम्ममहियासेइ, अन्नवासरे व समागओ एगो देसंतरविजो, तस्स सयणवग्गेण दंसिओ रवी, तेणावि संमं पलोइऊण भणियं-अहो कुडुधिरोलियापुरीससंभयो । हा एस दोसो, ता पंचुंबरिफलाई समभागाइं चित्तगरोज्झमंससंमीसियाई सुराए बहिऊण देह जेण सिग्धं पसमा !
महोदरवाही, रविणा भणियं-भो भो वेजा! भोयणओ बीयगुणबयपरिमाणं कुणतेण पञ्चक्खायं मए एयं, वेजो। सयणवग्गो य भणइ-पगुणीभूयसरीरो सोहिं करेजासु, तेण कहियं-जराघुणजजरियविसरारुसरीरपंजरासारय । जाणतो नाहं मरणेवि एयमायरामि, एवं च उज्झिओ वेजेण। अन्नंमि य वासरे जाव सो निसन्नो एगंतदेसे अच्छा ताव पेच्छइ वसहमुत्तमझे निवडियं घरकोइलगं, तक्षणं चिय विणस्संतं च पेच्छिऊण चिंतियमणेण-अहो जहा । एयं कोइलगविणाससमत्थं तहा तं दुटुं विसविगारमवि हणिउमलं, तम्हा जुजइ मज्झ एयं पाउंति परिभाविऊण || सुमुहुत्ते णमोकारसुमरणपुरस्सरं वसहमुत्तं पीयमगेण, अह धम्मपभावणं वेयणियखओवसमजोगा ओसह
