________________
श्रीगुणचंद महावीरच०
८ प्रस्तावः
।। २९० ॥
एवंविहगाढ किलेस संविदत्ताए भोयणविहीए। दिणगमणियं कुर्णतस्स मुद्ध ! का चंगिमा तुझ १ ॥ १ ॥ किंवा सरीरसोक्खं संपज को य विसयवामोहो । किं वा सुचरियनिष्फायणं च संभवइ एवं च १ ॥ २ ॥ नो एयपरिचागो सुदुरो दिवसोक्खकखीणं । तुम्हारिसाण जायइ जेणऽजवि किर महासत्ता ॥ ३ ॥ परमणिकणगरयणुकराई तरुणीओ सुंदरे गेहे । मोचूण पन्नगंपिव धन्ना लग्गति धम्मंभि ॥ ४ ॥ अन्ने पुण आकालियदुरं तदारिद्दविदुयावि दढं । पावारंभपयट्टा जम्मं सयलंपि बोलिंति ॥ ५ ॥
अण्णत्व जम्मे तव पुणरुत्तदुक्खसंतत्ता । तलोविलिं पकुर्णति थोक्सलिलंमि मच्छोब ॥ ६ ॥ जइ पुण ते घरवावारलक्खभागे व धम्मकजंमि । अब्युजमंति रुंधति निचुलं ता दुहदुवारं ॥ ७ ॥ किंच - एगो संपज जहिच्छभोगोवभोगदुललियं । धणमन्नत्तो सजणपसंसणिजा हि पवजा ॥ ८ ॥ एगो छखंडाविस सेवा महानरिंदस्स । कीरइ अन्नत्तो पुण मुणिणो सद्धम्मनिरयस्स ॥ ९॥ सुंदर ! इमाओ दोन्नि उ गई लोयंमि सुष्पसिद्धाओ । एयाणं अन्नयरिं जे कुसला ते पवजंति ॥ १० ॥ ता व कम्ममिमं धम्मं चि सरसु तं महासत्त ! | दीणाण दुत्थियाण य एसो एक्को परं सरणं ॥ ११ ॥ इय गोयमेण भणिए सबइलं लंगलं च मोत्तूण । नमिउं चलणे सो भत्तिनिभरो भणिउमाढत्तो ॥ १२ ॥ भवं ! विन्नाणविवज्जियस्स जर जोग्गयत्थि मे काऽवि । ता देहि निययदिक्खं भववासाओ विरत्तस्स ॥ १३ ॥
कर्षकदीक्षा.
॥ २९० ॥
