________________
श्रीगुणचंद महावीरच ४ प्रस्तावः
-
कृताश्रम
णापा
-
॥२८६॥
-
-
महाविदेहे वासे दढपइण्णाभिहाणो ईसरसुओ होऊण जायभववेरग्गो परिचत्तधणसयणो थेराण अंतिए सबविरई भाविभवा गहाय छठमाइतवोकम्मविसेसेहिं पुषभवपरंपरासमजियाई पावकम्माई खविऊण केवलनाणमुप्पाडेही, तओ सो गोशालकदढपइण्णकेवली मुणियगुरुजणावमाणसमुत्थमहापाववियंभियभवाडवीनिवडणकडुविवागो नियसमणसंघ सहाविऊण 51 एवं भणिहीहहो देवाणुपिया ! जंबुद्दी+मि भारहे वासे । मखलिपुत्तो गोसालनामओऽहं पुरा आसि ॥ १॥ बहुकूडकवडनिरओ विवरीयपरूवगो समणघाई । धम्मगुरुपचणीओ समत्थदोसाण कुलभवणं ॥ २॥ नियतेएणं चिय दज्झमाणदेहो दढं बहुदुहत्तो। कलुणं विलवंतोऽहं पंचत्तं पाविओ तइया ॥३॥ तम्मूलं चउगइभुयगभीसणे दोहरे भवारण्णे । भमिओ सुचिरं कालं विसहतो दारुणदुहाई ॥४॥ ता भो देवाणुपिया! इय सोचा मा कयावि सुगुरूणं । संघस्स पवयणस्स य पडिणीयत्वं करेजाह ॥५॥ बहुओऽवि पावनिवहो वच्चइ नासं मुहुत्तमेत्तेण । गुरुसाहुसंघसिद्धंतधम्मवच्छल्लभावेण ॥६॥ एवमणुसासिऊणं नियसमणे सो तया महासत्तो । पडिबोहिऊण भवे पाविस्सइ सासयं ठाणं ॥७॥ इय तइलोयदिवायरसिरिवीरजिणेसरेण परिकहियं । गोसालयचरियमिमं गोयमसामिस्स नीसेसं ॥ ८॥ ॥२८॥ एयं च तचरियं महादुहविवागमूलं निसामिऊण बहवे समणा य समणीओ य सावयाओ य सावियाओ य गुरु-/21
-
-
-
-
