________________
जालमंडियमज्झभागेहिं कंचणनत्थापग्गहिएहिं नीलुप्पलविरइयसेहरेहिं उल्लिहियसिंगेहिं लठ्ठपुढसरीरोहिं पवरगो
गजुवाणएहिं संगयं संजत्तेह संदणं जेण गंतूण वंदामो जयगुरुं, जं सामी आणवेइत्ति भणिऊण निग्गमा कुडुंबिया A || पुरिसा, पगुणीको रहवरो, समुवणीओ उसहदत्तस्स, तओ देवाणंदाए समेओ तमारुहिऊण पुरिसपरिवारपरिष-15 सरिओ पयहो जिणाभिमुहं, पत्तो कमेण बहुसालयसमीवं, छत्ताइच्छत्तपमुहाइसयदंसणेण य रहाओ पचोरुहिऊण :
पंचविहेणं अभिगमेणं पविट्ठो समोसरणे, तिपयाहिणादाणपुवयं च पणमिऊण जिणं पहिट्ठमणो निविट्ठो भूमिपढे ।। | देवाणंदाऽवि भगवंतं पणमिऊण सविणयं उसहदत्तं माहणं पुरओ काऊण उट्ठाणट्ठिया चेव सुस्सूसमाणी ६भालतलारोवियपाणिसंपुडा पज्जुवासिउमारद्धा, नवरं जंसमयं चेव तीसे भयवं चक्खुगोयरसुवगओ तंसमयं चिय:
वियसियवयणकमला हरिसुप्फुल्ललोयणसंदमाणाणंदसलिला जलहरधारापहयकयंबकुसुमंपिव समूससियरोमकूया थणमुहनिस्सरंतखीरधारा य जायत्ति, तं च तहाविहं पेच्छिऊण समुप्पन्नसंसओ गोयमसामी जयगुरुं पणमिऊग पुच्छिउं पत्तो-भयवं! किं कारणं देवाणंदा अणिमिसाए दिछीए तुम्ह वयणं पेहमाणा नियसुयदसणाणुरुवा पेमपन्भारगब्भयमवत्थं पत्तत्ति ?, भगवया भणियं-भो गोयम! देवाणंदा ममं जणणी, अहणं देवाणंदाए कुच्छितभवो पुत्तो, जो सुरभवचवणाओ आरम्भ बायासी दिणाई इमीए गर्भमि वुत्थो, अओ चिय पुवसिणेहाणुरागेण एसा अमुणियपरमत्थावि एवंविहं संभममावन्ना ।
HOSSEISUAUGUST
