________________
श्रीगुणचंद महावीरच ०
७ प्रस्तावः
॥ २४७ ॥
भगवद पुरंदर दिसे । जणिहिसि तं वासरं तुम कइया ? । जत्थ सहत्थेण जिणो उत्तारेही भवाओ ममं ॥ १ ॥ कइया ससुरासुरजीवलोयमज्झट्ठियस्स जयगुरुणो । वयणामयं पिविस्सामि सवणपुडएहिं अविरामं ॥ २ ॥ कइया निस्सेयससोक्खमूलहेऊ खणो भविस्सइ सो । देहंमिवि निरवेकखा निस्संगा जत्थ विहरिस्सं ॥ ३ ॥ कइया उग्गमउप्पायणेसणादोसलेसपरिहीणं । पिंडं अन्नेसंती भमिहं उच्चावयमिहेसु ॥ ४ ॥ इय पवरमणोरहकप्पणाहिं तीसे दिणाई वोलिंति । भावेण सवविरहं फासंतीए ससत्तीए ॥ ५ ॥ मूलावि सेट्टिणी मुणियवित्तंतेण बहुप्पयारेहिं निंदिया नयरीजणेण ।
जयगुरूवि पुरागराइ परिब्भमंतो गओ सुमंगलाभिहाणगामे, तत्थ सणकुमार सुरिंदो मत्तीए तिपयाहिणीकाऊण भगवंतं वंदइ पियं च पुच्छर, अह खणमेकं पज्जुवासिऊणं सहाणे पडिनियते सुरिंदे सामी मुछेत्तसंनिवेसंमि वञ्च । तत्तोवि माहिंदकष्पाहिवहणा हरिसुक्करिसेणं वंदिओ समाणो विनिक्खमिऊण पालयं नाम गामं पट्ठिओ, तहिं च धाहिलो नाम वाणिओ देसजताए पयट्टो सामिं संमुहमिंतं दद्दूण अमंगलंतिकाऊण रोसवसायविरच्छो | नीलपहापडलपल्लवियगयणमंडलं करवालमायडिऊणं एयस्स चेव समणगस्स मत्थए अवसउणं निवाडेमित्ति पहाविओ वहत्थं वेगेण, एत्यंतरे सुमरियसुरिंदा सेण पुत्रभणियसिद्धत्यवंतरेण छिन्नमेयस्स सहत्थेण सीसं, तंमि य विणिहए अहासुहं विहरमाणो जयगुरू पत्तो चंपानयरीए, ठिओ साइदिन्नमाहणस्स अग्निहोत्तवसहीए एगदेसंमि, जाओ य
-- २
धनावहाय
वसुधारा
धनदानं
चन्दना
मनोरथाः
धाहिल
वधच.
॥ २४७ ॥
