________________
%ASSSSC
।
CRESS RESOURCES
गाढविम्हयक्खित्तनरनियरपलोइजमाणा य तिपयाहिणापुवयं पणमिऊण तइलोक्कक्कलमल्लं जयवंधवं, निसचा बहो हाइयट्ठाणेसु, पुच्छिया सुहविहारवत्ता, खणमेकं च ते जिणरूवदंसणसुहमणुहविऊण जहागयं पडिनियत्ता ।। ___ अह जयनाहो गामाणुगामयं विहरिऊण भूवीढं। वाणारसीए पत्तो तत्थ य महिओ सुरिदेण ॥१॥
पुणरवि रायगिहमि य फुरतमणिरयणमंडियसिरेण । ईसाणतियसवइणा थुयमहिओ पुच्छिओ य पियं ॥ २॥ महिलानयरीएवि हु पत्थिवजणगेण परमभत्तीए । धरणिदेण य नागाहिवेण हिडेण पणिवइओ ॥३॥ गामागराइसु चिरं विहरिय पत्तमि वरिसयालंमि । एकारसमे सामी वेसालीए पुरीऍ गओ॥४॥ तसपाणबीयरहिए थीपसुपंडगविवजिए ठाणे । चाउम्मासियखमणं पडिवजित्ता ठिओ पडिमं ॥ ५ ॥ भूयाणंदो य तहिं भुयगवई भगवओ भवभएण । भत्तिभरनिन्भरंगो पूयामहिमं पयट्टेइ ॥६॥ अह तत्थेव पुरीए सावगधम्ममि बद्धपडिबंधो । दक्खिन्नदयापसमाइपवरगुणरयणरयणनिही ॥७॥ नामेण जुन्नसेट्ठी सुसावगो वसइ विस्सुयजसोहो । अन्नो मिच्छादिट्ठी अहिणवसेछित्ति नामेण ॥ ८॥ एगम्मि वासरंमी कजवसा नयरि बाहि नीहरिओ । सो जुन्नसेट्ठी सहो परमवियतो गुणहो य ॥९॥ पेच्छइ कंचणसच्छहसरीरकरपसरभरियनहविवरं । नीसेसलक्खणधरं उस्सग्गठियं महावीरं ॥ १० ॥ तं पेच्छिऊण निच्छउमजायसवण्णुनिच्छओ सहसा । हरिसुच्छलंतरोमंचकंचुओ वंदिउं सामि ॥ ११ ॥
।
