________________
ESS
संभंतनयणो इओ तओ सयलं अवलोइउं पयत्तो, जाव तहेव सबओं पलोयमाणस्स पच्छिमदिसिमवलंबियं भाणुविवं, विप्फुरिया बालप्पवालपाडला किरणा बाउलीहूयाई रहंगमिहुणाई, तओ गोभदेण निवेइया गंगातारमण वत्ता, जहा-भो भद्दा ! अचंतस्वो वरपुरिसो एत्य तित्थंमि पविट्ठो, सो य संपयं दुत्तरउत्तुंगतरंगपरंपरापच्छाइओं वा मगराइदुद्रुसत्तनिकतिओ वा विसमपंकनिमग्गो वा भवेजत्ति न जाणिजइ परमत्थो, ता लहुं तबिरहतालिम मम जीवियं अणुकंपमाणा पविसह नईमझे निरुवह तं महाभाग, मा अपत्यावे चिय अत्थमउ तारिसवरारिस दिणयरो, मा आजम्मं पाउम्भवउ सुरतरंगिणीए एरिस महाकलंकोत्ति भणियावसाणे करुणापरबसीकमहिमा पहाविया सबओ तारगा, समारद्धं च अमरसरियावारिप्पवाहावगाहणं, अह सबायरेण दीहप्पसारियभुयाहि मान । डिऊण जलं तेसु तेसु ठाणेसु आमूलाओ कत्थवि तं अलभमाणा पडिनियत्ता तारगा, निवेइया तसंपवित्रता गोभहस्स, सो य गाढमुग्गराभिहओब दुस्सहसोगावेगविहलंघलसरीरो विचिंतिउमारद्धोकह जणनयणाणंदो समुग्गओ सरयपुणिमाइंदो। कह दाढुग्गाढमुहेण कवलिओ सो विडप्पेण ? ॥ ११ कह भूमंडलमंडणकप्पो कप्पहुमंकुरो जाओ। कह वा मूलाओ चिय समुक्खओ वणवराहेण ? ॥ २॥ कह एस भुवणतिलओ विजासिद्धो अकारणसिणिद्धो । मइ मित्तत्तमुवगओ कह वा अईसणं पत्तो ? ॥ १ ॥ मम मंदभग्गयाए मण्णे तस्सेरिसी दसा जाया । जत्थऽलियइ कवोडो सचं सा सुसइ तरुसाहा ॥3
