________________
ता तस्स दाऊण सयं भुंजामित्ति संपधारिऊण गामचिंतगेण थेवं भूमिभागं गंतूण तक्खणमवलोइयं दिसावलयं, एत्यंतरे सत्यपरिन्भट्ठा संता परिसंता खुहापिवासाभिभूया मज्झदिणदिणयरतावविगलंत सेयसलिलधरा तरुवरनिवडणकडयडारावनिसामणसंभावियसत्थावासा समागया तं पएसं तवस्मिणो, दिट्ठा य तेण ससंभमं, गओ तदभिमुखं, | गाढकरुणारसाउरिजमाणमाणसेण पणमिऊण पुच्छिया अणेण - भयवं ! किमेवं विजणविहारमायरह ?, साहूहिं भणियं भद्द ! सत्थेण ( समं ) पढमं अम्हे पत्थिया, भोयणकाले जाव असणपाणट्ठा गामं पविट्ठा ताव गओ सत्थो, अम्हेऽवि तुरंता सत्थाणुमग्गलग्गा इंता निग्गया एत्थ महाडवीए, गामचिंतगेण भणियं-अहो निकरुणया अहो दुट्ठसीलया अहो नरकनिवासलालसत्तणं अहो वीसत्थघाइत्तणं अहो पावाभीरुत्तणं अहो आजम्मा नियकुलकलंककरणं तेसिं सत्थियाणं, अविय - सत्तपयमेत्तसंथववसेऽवि सुयणाण वहुए नेहो । आजम्मदंसणेऽविहु नियचित्ताण न खलाणं ॥ ४४
सत्थाणुसरणकालेवि वारिया किं न पावबुद्धीहिं । एए महाणुभावा पढमं चिय साहुणो तेहिं ? ॥ ४५ ॥ जइ एसिं सीहाइएहिं कीरेज एत्थ विदवणं । ता नूणमेव तेसिं नरगेऽविदु होज संवासो ॥ ४६ ॥ अहवा पावाण कहाऍ होउ नियधम्मदूसणकरीए । आगच्छह आवासं कुणह पसायं ममेयाणिं ॥ ४७ ॥ इ भणि ते मुणिणो जुगमेत्तनिहित्तचक्खुणी धीरा । तस्सावासंभि गया पच्चक्खा धम्मनिहिणो व्व ॥ ४८ ॥ पुण्णवससाहुदंसणसिणेह संजायतिव्वसद्धेणं । विउलेहिं असणपाणेहिं तेणऽवि पडिला हिया विहिणा ॥ ४९ ॥
