________________
1
इय एवं जपतेस तेसु कंचुइजणेण परियरिया | तिसलादेवी सयमेव आगया भगवओ मूले || ६ | अह सत्त पाई अणुतुं संमुहं जिणो तीसे । आसणदाणम्पसुहं पडिवत्तिं कारवइ सर्व्वं ॥ ७ ॥ अण्णोष्णघडियकरसं पुढं च देविं पहुच भगवंतो । जंपर अम्मो ! साहह आगमणं किंनिमित्तंति ॥ ८ ॥ देवीए जंपियं - पुत्त ! तुह दंसणाओऽवि किमन्नं निमित्तं ?, जओ एत्तिएण वसइ जीवलोगो भरियं दिसावलयं सुहाव हा रायलच्छी संतोसमावहह गेहं निधुई उवजण पणइजणो विगयंधयारं तिहुयणं, ता किमवरं वरं साहेमि निमित्तंति, एवमाइन्निउण भगवया चिंतियं - अहो अणाइक्खणिजो कोऽवि जणणीजणस्सावच्चे सिणेहो, अतुलं किंपि वच्छल, असरिसा कावि अवलोयणाभिरई, जं सया चक्खुगोयरगएव मए अम्बा ईसिअहंसणेऽवि संपइ एवं संतप्पइति विगप्पिऊण पुणी भणिया देवी - अम्मो ! तहावि साहेसु किंपि पओवणं ?, तिसलाए भणियं - पुत्त ! जह एवं ता पडिवज्जसु विवाहमहसवं, जओ एयनिमित्तं एसो पणइजणो अम्हेहिं तुज्झ पासे पेसिओ, तुह विवाहुकंहिओ खु नराहियो नयरजणो य, ममावि एत्तियमेव संपयं अपत्तपुत्रं सुहं, पडिपुन्ना सुहाणुभावेण सेसमणोरहति, भगवयापि आगन्भकाला ओऽवि मम एस पइन्नाविसेसो-जं अम्मापिऊणं अप्पत्तियकारिणी पवज्जावि न कायवत्ति चिंतिऊण निरभिलासेणवि अन्भुवमयं तयाइहूं, परितुट्ठा य देवी समं परिजणेण, निवेइओ एस वइयरो नरिंदस्स ।
एत्यंतरे सिद्धत्थरायमुवडिओ पडिहारो निवडिऊण चलणेसु विन्नविउमादत्तो य-देव ! समरवीराभिहाणराहलो टूथ
