________________
BOSS
विपक्खदप्पखंडणो नरिंदवंसमंडणो, अजायभंगसासणो कुनीइलोयनासणो।
असेससोक्खकारणं करेइ लोयपालणं, नरिंदसत्तुमद्दणो म(ज)णमि चित्तनंदणो ॥ ३४ ॥ जंमि य नराहिवे पबलबलसालिभुयपरिहारोवियधरणिभारे रायनीइमेत्तं मंतिणो सोहा हरिकरिरहजोहसामन्गी आडंबरं असिचक्कचावसरकुंतप्पमुहपहरणपरिग्गहो सेवगा पणयावेक्खासजीयनिरवेखंगरक्खपरिक्खेवपरिकप्पणा ।
तस्स य रण्णो विसिट्ठायारपरिपालणपरायणो धम्मसत्थसवणवियाणियहेजोवादेयवत्थुसरूवो गंभीरिमाइगुणगAणावासो पयइसरलो पयइविणीओ पयइपियंवओ पयइपरोवयारपरो पुहइप्पइटाणनामंमि गामे नयसारो नाम गाम
चिंतगो अहेसि । जो य तहाविहसाहुसेवाविरहेऽवि अलसो अकज्जपवित्तीए परम्मुहो परपीडाए सयण्हो गुणगणोवजणाए अचक्खू परछिद्दपलोयणाए । एवंविहगुणो य सो सविसेसगुणुकरिससाहणनिमित्तं भणिओ गुरुअणेण, जहा-धणरिद्धी दूरं षड्डियावि दुविणयपवणपडिहणिया । एकपएचिय पुत्तय ! पणस्सए दीवयसिहछ ॥ ३५ ॥
णीहारहारधवलोवि वच्छ ! सेसो गुणाण संघाओ । विणएण विणा वयणं व नयणरहियं न सोहेइ ॥३६॥2 अचंतपिओऽवि परोवयारकारीवि भुयणपयडोऽवि । वजिजइ पुरिसो विणयवजिओ गुरुमुयंगोत्र ॥ ३७॥
इय दुविणयत्तणदोसनिवहमवलोऊण बुद्धीए । पुत्त ! रमेजसु विणए समत्थकलाणकुलभवणे ॥ ३८ ॥ तहाहि-विणएणं हुंति गुणा गुणेहिं लोगोऽणुरागमुबहइ । अणुरत्तसयललोयस्स हुँति सच्चाओ रिद्धीओ ॥ ३९ ॥
