________________
तथा-चलिरमंदरभारसंभग्गसिरनमिरमुयगाहिवइ दूरमुक दुद्धरु धरायलु,विलुलंतकुलसेलगणु तुद्वबंधु डोलिभो विसंतुला ।
उस्सिंखलभयभरविहुर उद्धयसुंडादंड अनिवारण दिसिवारणवि गमणि पयट्ट पयंड ॥ ४ ॥ खुभियदारुणमच्छकच्छवयपुच्छच्छडताडणेण उच्छलंतकल्लोल-संकुलगयणंगणविगयसिहमुक्कमेरवियरंतमहिजल। अइवेगप्पवणप्पहय हल्लियसयलसमुह । नजइ जगबोलण भणिय चाउदिसिहि रउडु ॥५॥ सूरससहरतारयाणपि विवरंमुहपट्ठियई तक्खणेण सबई विमाणई, भयभीएण सुरगणेण अइजवेण उज्झियसगणई।।। विमणंमणुसुरवहुनिवहु जाउ विसंतुलचेटु, मरणासंकिउ खयरजणु गिरिकंदरिहिं पइडु ॥६॥ एवं वियंभमाणे तिहुयणसंखोहे पंचनमोकारसुमरणपरायणे चारणमुणिगणे विविहाउहनिवहमणुसरंते अंगरक्स। सुरसमूहे पर्यडकोवुडमरभीमो घडियनिडालभिउडिभासुरो करकलियकुलिसो सुराहिवो भणिउमाढत्तो-अहो सो PA एस संतिकम्मसमारंभेऽवि वेयालसमुल्लासो भोयणपढमकवलकवलणेऽवि मच्छियासन्निवाओ पुन्निमाचंदपढमुग्गमेवि। दाढाकडप्पदुप्पिच्छो विडप्पागमो जं सयलमंगलालयस्स अणप्पमाहप्पबलणिहाणस्स तित्थेसरस्सत्रि जम्मणमहूसवसमए एरिसो विग्यो समुवहिओ, केण पुण अकालकुषियकयंतसंगमूसुएण देवेण दाणवेण य जखेग रक्खसेण ।।
नियभुयसामत्थवित्थारदसणट्टयाए वा जिणमहिमावलोयणमच्छरेण वा भुवणसंखोहदसणकोऊहलेण वा कओ हवेजचि । २१ महा०३ जायसंसओ ओहिन्नाणं पउंजइ । तओ दिवनाणमुणियजिणचलणचंपणुकंपियमेरुवइयरो तखणसंहरियकोबुग्गयो ।
